మెగాస్టార్ మేన‌ల్లుడు సాయిధ‌ర‌మ్ తేజ్ హీరోగా ర‌చ‌యిత బి.వి.ఎస్ ర‌వి ద‌ర్శ‌క‌త్వంలో జ‌వాన్ చిత్రం ఈరోజు ప్రారంభ‌మైంది. ఈ చిత్రాన్ని అరుణాచ‌ల్ క్రియేష‌న్స్ బ్యాన‌ర్ పై డైరెక్ట‌ర్ హ‌రీష్ శంక‌ర్ స‌మ‌ర్ప‌ణ‌లో కృష్ణ నిర్మిస్తున్నారు. ఫిల్మ్ న‌గ‌ర్ టెంపుల్ లో జ‌రిగిన ఈ చిత్ర ప్రారంభోత్స‌వానికి యంగ్ టైగ‌ర్ ఎన్టీఆర్ ముఖ్య అతిధిగా హాజ‌రై ముహుర్త‌పు స‌న్నివేశానికి క్లాప్ ఇచ్చారు. ఈ చిత్రంలో సాయిధ‌ర‌మ్ తేజ్ స‌ర‌స‌న కృష్ణ గాడి వీర ప్రేమ గాథ ఫేమ్ మెహ‌రీన్ న‌టిస్తుంది. ఈ ప్రారంభోత్స‌వానికి వినాయ‌క్, కొర‌టాల శివ హాజ‌రై చిత్ర యూనిట్ కు ఆశీస్సులు అంద‌చేసారు. ఫిబ్ర‌వ‌రి 1 నుంచి రెగ్యుల‌ర్ షూటింగ్ ప్రారంభించ‌నున్నారు. ఈ చిత్రానికి ఎస్.ఎస్ త‌మ‌న్ సంగీతం అందిస్తున్నారు.