'జైలవకుశ' సినిమాతో ఫామ్‌లోకి వచ్చిన డైరెక్టర్ కె.ఎస్.రవీంద్ర (బాబీ). తన మొదటి సినిమా 'పవర్'తో తొలి హిట్ ని తన ఖాతాలో వేసుకున్న ఈ డైరెక్టర్.. రెండో చిత్రం స‌ర్దార్ గ‌బ్బ‌ర్‌సింగ్‌తో మాత్రం ప‌రాజ‌యం చ‌విచూశారు. అయితే మూడో చిత్రం జైలవకుశ` అందించిన‌ విజ‌యం బాబీలో కొత్త ఉత్సాహాన్ని ఇచ్చింది.

కాగా, ఈ డైరెక్టర్ ప్ర‌స్తుతం రెండు కథల్ని సిద్ధం చేసుకున్నాడట. అందులో ఒకటి తనకి ఫస్ట్ టైం హిట్ ని అందించిన మాస్ మహారాజ్ రవితేజతో చేయాల‌ని అనుకుంటున్నాడ‌ట‌. రెండో కథ సాయిధరమ్‌ తేజ్ కోసం అని వినికిడి. త‌ను నిరాశలో ఉన్నప్పుడు సాయిధరమ్‌ తేజ్ చాలా భరోసా ఇచ్చేవాడని.. తన సహకారం ఎప్పటికి మరిచిపోలేనంటూ సాయిధరమ్‌తో తనకున్న అనుబంధాన్ని తాజాగా ఓ ఇంట‌ర్వ్యూలో వివరించాడు బాబీ.

ప్ర‌స్తుతం చేతినిండా సినిమాల‌తో బిజీగా ఉన్న సాయిధ‌ర‌మ్.. ఆ సినిమాల‌ని పూర్తి చేశాకే బాబీతో సినిమా చేసే అవ‌కాశ‌ముంద‌ని టాలీవుడ్‌లో వార్త‌లు వినిపిస్తున్నాయి. కాగా, సాయిధ‌ర‌మ్ తాజా చిత్రం జ‌వాన్ డిసెంబ‌ర్ 1న విడుద‌ల కానుంది.