ఖైదీ నెం.150తో తిరిగి స‌క్సెస్ ట్రాక్‌లోకి వ‌చ్చారు ప్ర‌ముఖ ద‌ర్శ‌కుడు వి.వి.వినాయ‌క్‌. ప్ర‌స్తుతం ఆయ‌న మెగా ఫ్యామిలీ క‌థానాయ‌కుడు సాయిధ‌ర‌మ్ తేజ్‌తో త‌న త‌దుప‌రి చిత్రాన్ని చేస్తున్నారు. పేరు నిర్ణయించ‌ని ఈ చిత్రాన్ని సి.క‌ళ్యాణ్ ప్ర‌తిష్ఠాత్మ‌కంగా నిర్మిస్తున్నారు. లావ‌ణ్య త్రిపాఠి క‌థానాయిక‌గా న‌టిస్తున్న ఈ మూవీకి యువ సంగీత సంచ‌ల‌నం త‌మ‌న్ సంగీత‌మందిస్తున్నాడు.

ఇదిలా ఉంటే.. శ‌ర‌వేగంగా షూటింగ్ జ‌రుపుకుంటున్న ఈ సినిమా తాలుకూ మ‌స్క‌ట్ షెడ్యూల్ పూర్త‌య్యింద‌ని తెలిసింది. ఇందులో కీల‌క స‌న్నివేశాలు చిత్రీక‌రించార‌ని స‌మాచార‌మ్‌. త్వ‌ర‌లోనే చివ‌రి షెడ్యూల్ ప్రారంభం కానుంది. ఫిబ్ర‌వ‌రి 9న ప్రేక్ష‌కుల ముందుకు రానున్న ఈ సినిమాకి ఇంటెలిజెంట్‌, ధ‌ర్మాభాయ్ అనే పేర్లు ప్ర‌చారంలో ఉన్నాయి. కాగా, కొండ‌వీటి దొంగ‌లోని చ‌మ‌కు చ‌ముకు చామ్ అనే పాట‌ని ఈ సినిమా కోసం రీమిక్స్ చేయ‌బోతున్న‌ట్లు ప్ర‌చారం జ‌రుగుతోంది. అయితే.. చిత్ర యూనిట్ మాత్రం దీని గురించి ఎక్క‌డా స్పందించ‌లేదు.