ரூ.350 கோடி பட்ஜெட்டில் படமெடுத்த இயக்குனருக்கு நிச்சயதார்த்தம்
- IndiaGlitz, [Thursday,June 11 2020]
தென்னிந்திய திரையுலகில் ரூபாய் 100 கோடி பட்ஜெட்டுக்கு மேல் படம் எடுக்கும் தயாரிப்பாளர் மற்றும் இயக்குனர்கள் அரிதாகவே இருந்து வருகின்றனர். அந்த வகையில் ’பாகுபலி’ புகழ் பிரபாஸ் நடிப்பில் ’சாஹோ’ என்ற திரைப்படம் ரூ.350 கோடி பட்ஜெட்டில் உருவானது. இந்தப் படத்தை சுஜித் ரெட்டி என்பவர் இயக்கினார் என்பதும் இவருக்கு இது இரண்டாவது படம் என்பதும் குறிப்பிடத்தக்கது.
ஒரு இயக்குனரின் இரண்டாவது படமே ரூபாய் 350 கோடி பட்ஜெட்டில் உருவாகியதை தென்னிந்திய திரையுலகே ஆச்சரியத்தில் பார்த்தது. இந்த நிலையில் இயக்குனர் சுஜித் ரெட்டிக்கு தற்போது திருமண நிச்சயதார்த்தம் நடைபெற்றுள்ளது.
ஆந்திர மாநிலத்தைச் சேர்ந்த பல் டாக்டர் பிரவல்லிகா என்பவருக்கும் சுஜித்துக்கு நேற்று எளிமையான முறையில் திருமண நிச்சயதார்த்தம் நடந்துள்ளதாகவும், இவர்களது திருமண தேதி இன்னும் முடிவு செய்யப்படவில்லை என்றும் கூறப்படுகிறது. இயக்குனர் சுஜித் ரெட்டியின் திருமண நிச்சயதார்த்தத்திற்கு நடிகர் பிரபாஸ் உள்பட திரையுலகினர் பலர் வாழ்த்து தெரிவித்துள்ளனர்.
இந்த நிலையில் மெகா ஸ்டார் சிரஞ்சீவி நடிக்கவுள்ள அடுத்த படத்தை சுஜித் ரெட்டி இயக்கவிருப்பதாகவும், இந்த படம் குறித்த ஆரம்பகட்ட பணிகளை சுஜித் ரெட்டி கவனித்து வருவதாகவும் செய்திகள் வெளியாகியுள்ளது.