அஜித் நடித்த 'என்னை அறிந்தால்' படத்தில் வில்லனாக அவதாரம் எடுத்த அருண்விஜய், மீண்டும் வில்லனாக நடித்து வரும் படம் பிரபாஸின் 'சாஹோ'.

பாகுபலி, பாகுபலி 2' ஆகிய வெற்றி படங்களுக்கு பின் பிரபாஸ் நடித்து வரும் பிரமாண்டமான படமான 'சாஹோ' படத்தில் ஹீரோவுக்கு இணையான அழுத்தமான வில்லன் வேடத்தில் அருண்விஜய் நடித்து வருகிறார்.

இந்த படத்தின் படப்பிடிப்பு விறுவிறுப்பாக நடந்து வரும் நிலையில் இந்த படம் வரும் 2019ஆம் ஆண்டு ஆகஸ்ட் 15ஆம் தேதி சுதந்திர தினத்தில் வெளியாகும் என அறிவிக்கப்பட்டுள்ளது. இதனை தனது சமூக வலைத்தள பக்கத்தில் அருண்விஜய் உறுதி செய்துள்ளார்.

தமிழ், தெலுங்கு மற்றும் இந்தி என மூன்று மொழிகளில் உருவாகி வரும் 'சாஹோ' படத்தில் பிரபாஸ், ஷராதா கபூர், அருண்விஜய், ஜாக்கி ஷாரப், உள்பட பலர் நடித்து வருகின்றனர். சுஜித் இயக்கத்தில் தமன் இசையில், மதி ஒளிப்பதிவில், ஸ்ரீகர் பிரசாத் படத்தொகுப்பில் உருவாகி வரும் இந்த படம் சுமார் ரூ.300 கோடி பட்ஜெட்டில் உருவாகி வருகிறது.