பிரபல எழுத்தாளர், திரைப்பட வசனகர்த்தாவுக்கு சாகித்ய அகாடமி விருது
- IndiaGlitz, [Wednesday,December 05 2018]
தமிழ் சினிமாவின் பிரபல வசனகர்த்தாவும், பல நூல்கள் எழுதிய எழுத்தாளருமான எஸ்.ராமகிருஷ்ணன் அவர்களுக்கு சற்றுமுன் சாகித்ய அகாடமி விருது அறிவிக்கப்பட்டுள்ளது. சஞ்சாரம் என்ற புத்தகம் எழுதியதற்காக உயரிய விருதான சாகித்ய அகடாமி விருது எழுத்தாளர் எஸ்.ராமகிருஷ்ணன் அவர்களுக்கு வழங்கப்பட்டுள்ளதாக அறிவிக்கப்பட்டுள்ளது.
எஸ்.ராமகிருஷ்ணன் அவர்கள் ரஜினியின் 'பாபா' படம் முதல் சமீபத்தில் வெளியான 'சண்டக்கோழி 2' படம் வரை பல திரைப்படங்களுக்கு வசனம் எழுதியுள்ளர்.
மேலும் வாழக்கை வரலாறு புத்தகங்கள், சிறுகதைகள், நாவல்கள், நாடகங்கள், குழந்தைகளுக்கான நூல்கள், கட்டுரைகள், என பல நூல்களை அவர் எழுதியுள்ளார். சாகித்ய அகாடமி விருது பெற்ற எஸ்.ராமகிருஷ்ணன் அவர்களுக்கு வாழ்த்துக்கள் குவிந்து வருகிறது.