అక్కినేని నాగ‌చైత‌న్య‌, గౌత‌మ్ మీన‌న్ కాంబినేష‌న్లో రూపొందిన తాజా చిత్రం సాహ‌సం శ్వాస‌గా సాగిపో. ఈ చిత్రంలో చైత‌న్య స‌ర‌స‌న మంజిమ మోహ‌న్ న‌టించింది. చైత‌న్య హీరోగా గౌత‌మ్ మీన‌న్ తెర‌కెక్కించిన‌ ఏమాయ చేసావే చిత్రం ఎంత‌టి విజ‌యం సాధించిందో తెలిసిందే. మ‌ళ్లీ ఈ హిట్ కాంబినేష‌న్లో రూపొందిన సాహ‌సం శ్వాస‌గా సాగిపో చిత్రం పై ఫ‌స్ట్ నుంచి క్రేజ్ ఏర్ప‌డింది.

ఇంత‌కీ...ఈ చిత్ర క‌థ ఏమిటి..? సినిమా ఎలా ఉండ‌బోతుంది అనే ఆస‌క్తి ఏర్ప‌డింది. ఇదే విష‌యం గురించి నాగ చైత‌న్య‌ను అడిగితే...ఒక సాధార‌ణ కుర్రాడు జ‌ర్నీలో ఒక అమ్మాయిని ప్రేమిస్తాడు. అయితే...ఈ జంట‌కు ఓరోజు రాత్రి ఊహించ‌ని విధంగా ఓ ఆప‌ద వ‌స్తుంది. ఆ ఆప‌ద నుంచి ఎలా బ‌య‌ట‌ప‌డ్డారు అనేది ఈ చిత్ర‌క‌థ‌. ఫ‌స్టాఫ్ అంతా రొమాంటిక్ ల‌వ్ స్టోరీలా ఉంటే...సెకండాఫ్ యాక్ష‌న్ థ్రిల్ల‌ర్ లా ఉంటుంది. ఖ‌చ్చితంగా ఆడియోన్స్ ను ఆక‌ట్టుకుంటుంది అని చెప్పారు చైతు. ఈ చిత్రాన్ని ప్ర‌పంచ వ్యాప్తంగా ఈనెల 11న రిలీజ్ చేయ‌నున్నారు.