సాహసం శ్వాసగా సాగిపో రిలీజ్ డేట్ ఖరారు...
- IndiaGlitz, [Tuesday,May 24 2016]
నాగ చైత‌న్య హీరోగా గౌత‌మ్ మీన‌న్ దర్శకత్వంలో రూపొందుతున్నచిత్రం సాహసం శ్వాసగా సాగిపో. తెలుగు, త‌మిళ్ లో రూపొందుతున్న ఈ చిత్రాన్ని స్టార్ రైట‌ర్ కోన వెంక‌ట్ తెలుగు ప్రేక్ష‌కుల‌కు అందిస్తున్నారు. ఈ చిత్రంలో నాగ చైత‌న్య స‌ర‌స‌న మంజిమ మోహ‌న్ న‌టిస్తుంది. సంగీత సంచ‌ల‌నం ఎ.ఆర్.రెహ‌మాన్ ఈ చిత్రానికి సంగీతం అందిస్తున్నారు. ఈ చిత్రంలోని ఓ పాటను ఈ నెల 26న సాయంత్రం 6 గంట‌ల‌కు రిలీజ్ చేయ‌నున్నారు. ఇదిలా ఉంటే...ఈ చిత్రం ఆడియోను జూన్ 17న, చిత్రాన్ని జులై 15న రిలీజ్ చేయ‌డానికి ప్లాన్ చేస్తున్న‌ట్టు సమాచారం. మ‌రి..సాహసం శ్వాసగా సాగిపో అంటూ ప్రేక్ష‌కుల ముందుకు వ‌స్తున్న చైతు ఈసారి అంచ‌నాల‌కు త‌గ్గ‌ట్టు స‌క్సెస్ సాధిస్తాడ‌ని ఆశిద్దాం.