பந்தை சேதப்படுதிய விவகாரம் குறித்து சச்சின் கருத்து
- IndiaGlitz, [Thursday,March 29 2018]
சமீபத்தில் ஆஸ்திரேலிய கிரிக்கெட் வீரர்கள் பந்தை சேதப்படுத்திய விவகாரம் கிரிக்கெட் ரசிகர்களிடையே அதிர்ச்சியை ஏற்படுத்தியுள்ளது. சேதப்படுத்திய வீரர் மீதும், அணியின் கேப்டன் ஸ்மித் மற்றும் துணை கேப்டன் வார்னர் மீதும் நடவடிக்கை எடுக்கப்பட்ட போதிலும்,கிரிக்கெட் வீரர்களிடையேயும், ரசிகர்களிடையேயும் அதிர்ச்சி நீங்கவில்லை
இந்த நிலையில் இந்த துரதிஷ்டவசமான நிகழ்வு குறித்து சச்சின் தெண்டுல்கர் தனது சமூக வலைத்தளத்தில் கருத்து தெரிவித்துள்ளார். ஜெண்டில்மேன் விளையாட்டான கிரிக்கெட்டில் நடந்த இந்த தவறு துரதிஷ்டவசமானது என்றும், நேர்மையான் வழியில் வெற்றி இருக்க வேண்டும் என்றும் அவர் தெரிவித்துள்ளார். அவர் தனது டுவிட்டரில் இதுகுறித்து கூறியதாவது;
கிரிக்கெட் என்பது ஒரு ஜெண்டில்மென் விளையாட்டு. இந்த விளையாட்டு தூய்மையான வடிவத்தில் இருக்க வேண்டும் என்பதே அனைவரும் விரும்புகின்றனர். ஆனால் துரதிர்ஷ்டவசமாக ஒரு தவறு நடந்துவிட்டாலும் ஒரு சரியான நடவடிக்கை எடுக்கப்பட்டுள்ளது. வெற்றி முக்கியம்தான், ஆனால் அந்த வெற்றி நேர்மையான வழியில் இருக்க வேண்டும் என்பதும் முக்கியம்