சுரேஷ் ரெய்னாவுக்கு இன்ப அதிர்ச்சி கொடுத்த சச்சின்
- IndiaGlitz, [Tuesday,November 28 2017]
இந்திய கிரிக்கெட் அணியின் மிகச்சிறந்த பேட்ஸ்மேன்களில் ஒருவரான சுரேஷ் ரெய்னா நேற்று தனது 31வது பிறந்த நாளை கொண்டாடினார். அவருக்கு இந்திய அணி வீரர்களும், கிரிக்கெட் ரசிகர்களும் நேரிலும், சமூக வலைத்தளங்கள் மூலமும் வாழ்த்து தெரிவித்தனர்.
இந்த நிலையில் கிரிக்கெட் உலகின் கடவுள் என்று வர்ணிக்கப்படும் சச்சின் தெண்டுல்கர், சுரேஷ் ரெய்னாவுக்கு இன்ப அதிர்ச்சி கொடுக்கும் வகையில் நேற்று அவருடைய வீட்டிற்கே சென்று பிறந்த நாள் வாழ்த்து தெரிவித்தார். சச்சின் நேரில் வந்து தனக்கு வாழ்த்து கூறியது அவருக்கு இன்ப அதிர்ச்சியாக இருந்தது என்பதை சொல்லவும் வேண்டுமா?
மேலும் சுரேஷ் ரெய்னா வீட்டில் மதிய விருந்தும் சச்சின் சாப்பிட்டுள்ளார். இதுகுறித்து சச்சின் தனது சமூக வலைத்தளத்தில் கூறியதாவது: இன்று சுரேஷ் ரெய்னா, அவருடைய மனைவி பிரியங்கா, மகள் கிரேசியா ஆகியோர்களுடன் நான் மதிய உணவு சாப்பிட்டதில் பெரும் மகிழ்ச்சி அடைகிறேன். சுரேஷ் ரெய்னாவுக்கு எனது பிறந்த நாள் வாழ்த்துக்கள்' என்று கூறியுள்ளார்.
சச்சின் தெண்டுல்கரின் இந்த டுவீட்டை அமீர்கான், ஷாருக்கான் உள்பட பலர் ரீடுவீட் செய்துள்ளனர் என்பது குறிப்பிடத்தக்கது