'వీడెవడు' అంటున్న సచిన్ జోషి
- IndiaGlitz, [Monday,March 27 2017]
మౌన‌మేల‌నోయి, ఓరేయ్‌..పండు, నీ జ‌త‌గా నేనుండాలి సినిమాల‌తో తెలుగు ప్రేక్ష‌కుల‌కు సుప‌రిచితుడైన స‌చిన్‌జోషి హీరోగా తాతినేని స‌త్య ద‌ర్శ‌క‌త్వంలో చేస్తోన్న స‌స్పెన్స్ క్రైం థ్రిల్ల‌ర్ 'వీడెవడు'. ప్రొ క‌బ‌డ్డీ ప్లేయ‌ర్ అయిన హీరో, ఫ్యాన్‌గా ప‌రిచ‌య‌మైన హీరోయిన్‌తో ప్రేమ‌లో ప‌డ‌తాడు. కానీ అప్ప‌టికే కొంత‌మంది హీరోయిన్‌ను చంప‌డానికి ప్ర‌య‌త్నం చేస్తుంటారు. అది తెలుసుకున్న హీరో త‌న ల‌వ‌ర్‌ను కాపాడుకోవ‌డానికి ఏం చేశాడు? హీరో చేసిన రిస్క్ ఎంట‌నేదే ఈ క‌థ. ఈ సినిమాను త‌మిళంలో యారివ‌న్ అనే పేరుతో విడుద‌ల చేయ‌డానికి స‌న్నాహాలు చేస్తున్నారు. ఈ సినిమా టీజ‌ర్‌ను సోమ‌వారం హైదరాబాద్‌లో విడుద‌ల చేశారు.
ఎస్‌.ఎం.ఎస్‌, భీమిలి క‌బ‌డ్డీ జట్టు, శంక‌ర సినిమాలు అన్నీ రీమేక్ చిత్రాలే. నేను తెలుగులో చేసిన స్ట్ర‌యిట్ మూవీ వీడెవడు.బినేంద్ర మీన‌న్ సినిమాటోగ్ర‌ఫీ, థ‌మ‌న్ మ్యూజిక్‌, ర‌ఘు కుల‌క‌ర్ణి ఆర్ట్‌, స‌హా అంద‌రూ ఎంతో స‌పోర్ట్ చేశారు. క‌న‌ల్‌క‌ణ్ణ‌న్‌గారి ఫైట్స్ హైలైట్‌గా అనిపిస్తాయి. సచిన్ జోషిగారు ఎక్స‌లెంట్‌గా న‌టించారు. అన్నీ కార్య‌క్ర‌మాల‌ను పూర్తి చేసి సినిమాను మే నెలాఖ‌రున విడుద‌ల చేయాల‌ని ప్లాన్ చేస్తున్నాం అని ద‌ర్శ‌కుడు తాతినేని స‌త్య తెలిపారు.
వీడెవడు సినిమా అవుట్‌పుట్ చాలా బాగా వ‌చ్చింది. సినిమా కోసం ప‌నిచేసిన వారంద‌రూ ప్యాష‌న్‌తో వ‌ర్క్ చేశారు. టీజ‌ర్ అంద‌రికీ న‌చ్చింది. అలాగే సినిమా కూడా అంద‌రికీ న‌చ్చేలా ఉంటుందని హీరో సచిన్ జోషి అన్నారు.