தளபதி விஜய்யின் தந்தை எஸ்ஏ சந்திரசேகர் அவர்கள் சமீபத்தில் விஜய் மக்கள் இயக்கத்தை அரசியல் கட்சியாக பதிவு செய்வதாக அறிவித்தார். இந்த அறிவிப்பு பெரும் பரபரப்பை ஏற்படுத்திய நிலையில் தளபதி விஜய் வெளியிட்ட அறிக்கையில் ’தனக்கும் தனது தந்தை ஆரம்பித்திருக்கும் கட்சிக்கும் சம்பந்தமில்லை என்றும் தனது ரசிகர்கள் யாரும் அந்த கட்சியில் சேர வேண்டாம் என்றும் தெரிவித்திருந்தார். எஸ்.ஏ சந்திரசேகர் அவர்களின் அரசியல் அறிவிப்பும், விஜய்யின் அறிக்கையும் பெரும் பரபரப்பை ஏற்படுத்தியது.

இந்த நிலையில் எஸ்ஏ சந்திரசேகர் ஆரம்பித்த கட்சியின் தலைவர் பத்மநாபன் அவர்களும் அந்த கட்சியின் பொருளாளர் ஷோபாவும் திடீரென தாங்கள் இந்த கட்சியில் இருந்து விலகி கொள்வதாக அறிவித்தனர். இருப்பினும் யார் கட்சியில் இருந்து சென்றாலும் தான் அந்த கட்சியை நடத்தப்போவதாக எஸ்.ஏ.சி அறிவித்தார்.

இந்த நிலையில் தற்போது திடீர் திருப்பமாக அகில இந்திய தளபதி விஜய் மக்கள் இயக்கத்தை அரசியல் கட்சியாக பதிவு செய்வதை எஸ் ஏ சந்திரசேகர் நிறுத்திவிட்டதாகவும், கட்சியாக பதிவு செய்ய வேண்டாம் என தேர்தல் ஆணையத்திற்கு அவர் கடிதம் எழுதி உள்ளதாகவும் தகவல்கள் வெளிவந்துள்ளது. இதனை அடுத்து தனது அரசியல் முடிவை எஸ்.ஏ.சி மாற்றிக் கொண்டதாக தெரிகிறது.