சீயான் விக்ரம் நடிப்பில் ஹரி இயக்கத்தில் உருவாகி வரும் 'சாமி 2' படத்தின் படப்பிடிப்பு சமீபத்தில் தொடங்கப்பட்டுள்ள நிலையில் இந்த படத்தின் படப்பிடிப்பு இடைவெளியின்றி விறுவிறுப்பாக நடைபெற்று வருகிறது. இந்த நிலையில் இந்த படத்தின் புதிய ஸ்டில் சற்றுமுன்னர் இணையத்தில் வெளியாகியுள்ளது.

ஹெலிகாப்டர் பின்னணியில் ஸ்டைலிஷான, ஆக்ரோஷமான விக்ரம் இந்த ஸ்டில்லில் உள்ளார். 14 வருடங்களுக்கு பின்னர் இரண்டாம் பாகமாக உருவாகி வந்தாலும் இந்த படத்தில் முதல் பாகத்தில் இருந்தது போன்றே அதே இளமையுடன் விக்ரம் காட்சி அளிப்பது அவரது ரசிகர்களுக்கு ஆச்சரியத்தை அளித்துள்ளது.

விக்ரம், கீர்த்தி சுரேஷ், த்ரிஷா, பாபிசிம்ஹா, பிரபு, டெல்லி கணேஷ், சூரி உள்பட பல நடிக்கவுள்ள இந்த படத்திற்கு தேவிஸ்ரீ பிரசாத் இசையமைக்கவுள்ளார். ஷிபுதமீன்ஸ் தயாரிக்கும் இந்த படம் அடுத்த ஆண்டு வெளியாகும் என்று எதிர்பார்க்கப்படுகிறது.