விக்ரம், கீர்த்தி சுரேஷ், நடிப்பில் ஹரி இயக்கி வந்த 'சாமி 2' படத்தின் படப்பிடிப்பு முடிவடைந்து தற்போது முழுவீச்சில் போஸ்ட் புரடொக்சன்ஸ் பணிகள் நடந்து வருகிறது. இந்த நிலையில் இந்த படம் ரிலீஸ் ஆகும் தேதி குறித்து இப்படத்தின் தயாரிப்பாளர் சிபுதமீன்ஸ் தெரிவித்துள்ளார்.

'சாமி 2' படத்திற்கு அனைவரும் கொடுத்து வரும் ஒத்துழைப்புக்கு நன்றி. இந்த படத்தை வரும் செப்டம்பரில் வெளியிட திட்டமிட்டுள்ளோம். சரியான ரிலீஸ் தேதியை மத்திய மற்றும் மாநில தணிக்கை குழு அனுமதி கிடைத்தவுடன் அறிவிக்கவுள்ளோம் என்று கூறியுள்ளார். இவர் கூறியதில் இருந்து இந்த படம் செப்டம்பரில் வெளீயாவது உறுதி என்று தெரிகிறது.

ஏற்கனவே சிவகார்த்திகேயனின் 'சீமராஜா' செப்டம்பர் 13ஆம் தேதி வெளியாகவுள்ளதாக அறிவிக்கப்பட்டுள்ளது. அதுமட்டுமின்றி தனுஷின் 'வடசென்னை' மற்றும் மணிரத்னம் இயக்கியுள்ள 'செக்க சிவந்த வானம்' ஆகிய படங்களும் செப்டம்பரில் வெளியாகும் என்று எதிர்பார்க்கப்படுகிறது. இந்த நிலையில் தற்போது விக்ரமின் 'சாமி 2' படமும் செப்டம்பரில் வெளியாகவுள்ளதால் சினிமா ரசிகர்களுக்கு அடுத்த மாதம் கொண்டாட்டமாக இருக்கும் என்பதில் சந்தேகம் இல்லை