సాహో.. బడ్జెట్ పెరుగుతోందా?
- IndiaGlitz, [Thursday,May 03 2018]
యంగ్ రెబల్ స్టార్ ప్రభాస్ కథానాయకుడిగా యంగ్ డైరెక్టర్ సుజిత్ డైరెక్షన్‌లో తెరకెక్కుతున్న సినిమా ‘సాహో’. బాలీవుడ్ బ్యూటీ శ్రద్ధా కపూర్ కథానాయికగా నటిస్తోంది. ఈ చిత్రాన్ని యు.వి క్రియేషన్స్ పతాకంపై వంశీ, ప్రమోద్ నిర్మిస్తున్నారు. ఈ మూవీని తెలుగు, త‌మిళ, హిందీ భాషల్లో దాదాపు రూ.200 కోట్ల బడ్జెట్‌తో తెరకెక్కిస్తున్నారు. ఇదిలా ఉంటే.. ప్రస్తుతం దుబాయ్‌లోని అబుధాబిలో కొన్ని యాక్షన్ సన్నివేశాలను చిత్రీకరిస్తున్న సంగ‌తి తెలిసిందే. ఈ సన్నివేశాలు సినిమాకే ప్రత్యేక ఆకర్షణగా నిలవనున్నాయని ఇది వరకే చిత్ర బృందం ప్రకటించింది. అన్నట్టుగానే ఈ సీన్స్‌ను ఎక్కడా రాజీ పడకుండా షూట్ చేస్తున్నారు.
అయితే.. ఎంతో ఖర్చుతో కూడుకున్న ఈ సన్నివేశాలను చిత్రీకరించేందుకు దాదాపు రూ.90 కోట్లు వరకు ఖర్చు పెడుతున్నార‌ని తెలిసింది. దాంతో ఈ మూవీ బడ్జెట్ రూ.300 కోట్లకు చేరుకునే అవ‌కాశముంద‌ని ఫిల్మ్‌న‌గ‌ర్ వ‌ర్గాలు ముచ్చ‌టించుకుంటున్నాయి. అయితే.. తెలుగు, హిందీ, త‌మిళ భాషల్లో ఈ సినిమా విడుదల కానుండడంతో పాటు.. ప్రభాస్ క్రేజ్ కూడా ఈ సినిమాకి ప్లస్ అవుతుందని నిర్మాతలు భావిస్తుండడంతో.. బడ్జెట్ విషయంలో రాజీ పడటం లేదని తెలుస్తోంది. కాగా.. వచ్చే ఏడాది ప్రథ‌మార్థంలో ఈ సినిమా ప్రేక్షకుల ముందుకు రానుంది.