'సాహో'లో మరో బాలీవుడ్ నటుడు
- IndiaGlitz, [Saturday,August 19 2017]
బాహుబ‌లి చిత్రంతో జాతీయ‌స్థాయి గుర్తింపు తెచ్చుకున్న హీరో యంగ్ రెబ‌ల్ స్టార్ ప్ర‌భాస్ హీరోగా చేస్తున్న సినిమా 'సాహో'. 'ర‌న్‌రాజా ర‌న్ ఫేమ్' సుజిత్ ద‌ర్శ‌క‌త్వంలో సినిమా తెర‌కెక్కుతోంది. యు.వి.క్రియేష‌న్స్ బేన‌ర్‌పై తెర‌కెక్కుతోన్న ఈ చిత్రం ఇప్పుడు షూటింగ్ ద‌శ‌లో ఉంది. ఈ సినిమాను తెలుగు, త‌మిళం, మ‌ల‌యాళం, హిందీ భాష‌ల్లో 150 కోట్ల బ‌డ్జెట్‌తో రూపొందిస్తున్నారు.
ఈ సినిమాలో నీల్ నితిన్ ముకేష్, చంకీ పాండే విల‌న్స్‌గా న‌టిస్తున్నారు. వీరిద్దరే కాకుండా ఇప్పుడు మరో జాకీష్రాఫ్ కూడా ఈ చిత్రంలో విల‌న్‌గా న‌టించ‌నున్నాడ‌ట. ఈ విష‌యాన్ని జాకీష్రాఫ్ ఓ ప‌త్రిక‌కు ఇచ్చిన ఇంట‌ర్వ్యూలో తెలియ‌జేశాడు. ప్ర‌భాస్ ఇప్పుడు నేష‌న‌ల్ రేంజ్ స్టార్ అని, త‌న‌పై న‌మ్మ‌కంతో త‌న‌కు సాహో సినిమాలో అవ‌కాశం ఇవ్వ‌డం ఆనందంగా ఉంద‌ని తెలిపిన జాకీష్రాఫ్ బాహుబ‌లి సినిమా చూశాన‌ని, రెండు భాగాలు ఎంతో న‌చ్చాయ‌ని కూడా తెలిపారు.