మహేశ్ స‌ర‌స‌న 'సాహో' బ్యూటీ
- IndiaGlitz, [Saturday,April 18 2020]
సూప‌ర్‌స్టార్ మహేశ్ 27వ సినిమాకు సంబంధించిన కార్య‌క్ర‌మాలు శ‌ర‌వేగంగా జ‌రుగుతున్నాయి. వంశీ పైడిప‌ల్లి ద‌ర్శ‌క‌త్వంలో ప్రారంభం కావాల్సిన ఈ సినిమా, మ‌హేశ్‌కి క‌థ న‌చ్చ‌క‌పోవ‌డంతో ఆగిపోయింది. వంశీ పైడిప‌ల్లి స్థానంలో ప‌రుశురామ్ చేరాడు. క‌రోనా ఎఫెక్ట్ కార‌ణంగా సినిమాల షూటింగ్స్ ఆగిపోయాయి. కాబ‌ట్టి ప‌రుశురామ్‌కు కావాల్సినంత టైమ్ దొరికింది. స్క్రిప్ట్‌ను మరింతగా మెరుగులు దిద్దే ప‌నిలో ప‌డ్డాడీ ద‌ర్శ‌కుడు. సూప‌ర్‌స్టార్ కృష్ణ పుట్టిన‌రోజు సంద‌ర్భంగా మే 31న సినిమా షూటింగ్‌ను స్టార్ట్ చేసి జూలైలో రెగ్యుల‌ర్ షూటింగ్‌ను స్టార్ట్ చేయాల‌నుకుంటున్నార‌ట.
ఈ సినిమాలో హీరోయిన్‌గా ఎవ‌రు న‌టిస్తార‌నే దానిపై ప‌లు వార్త‌లు విన‌ప‌డుతున్నాయి. కీర్తిసురేశ్ పేరు ముందు విన‌ప‌డింది. త‌ర్వాత బాలీవుడ్ హీరోయిన్ సారా అలీఖాన్ పేరు ఎక్కువ‌గా విన‌ప‌డింది. లేటెస్ట్ స‌మాచారం మేర‌కు సాహోలో న‌టించిన బాలీవుడ్ బ్యూటీ శ్ర‌ద్ధాక‌పూర్ పేరు ప‌రిశీల‌న‌లో ఉన్న‌ట్లు స‌మాచారం. మెచ్యూర్డ్ ల‌వ్‌స్టోరిగా ప‌రుశురామ్ ఈ సినిమాను తెర‌కెక్కించే ప‌నిలో ఉన్నాడ‌ట. ఈ సినిమాకు గోపీసుంద‌ర్ సంగీతం అందిస్తున్నాడ‌ని వార్త‌లు వినిపిస్తున్నాయి. వ‌చ్చే ఏడాది స‌మ్మ‌ర్‌లో ఈ సినిమా ప్రేక్ష‌కుల ముందుకు వ‌స్తుంద‌ని అంటున్నారు.