బాహుబ‌లి ప్ర‌భాస్ సినిమాలంటే ఇప్పుడు ఇండియా అంతా మంచి క్రేజ్ నెల‌కొంది. ప్ర‌భాస్ ఎలాంటి సినిమా చేస్తాడోన‌ని అంద‌రూ ఆస‌క్తిగా ఎదురుచూస్తున్నారు. ర‌న్‌రాజార‌న్ ఫేమ్ సుజిత్ ద‌ర్శ‌క‌త్వంలో ఇప్పుడు ప్ర‌భాస్ సాహో సినిమా చేస్తున్న సంగ‌తి తెలిసిందే. 150 కోట్ల భారీ బ‌డ్జెట్‌తో తెలుగు, త‌మిళం, మ‌ల‌యాళం, హిందీ భాష‌ల్లో సినిమా రూపొందుతోంది.

ఇప్పుడు అంద‌రి క‌న్ను ఈ సినిమాపైనే ఉంది. ఈ సినిమాలో తెలుగువారితో బాలీవుడ్ న‌టీన‌టులు, టెక్నిషియ‌న్స్ కూడా ప‌నిచేస్తున్నారు. బాలీవుడ్ హీరోయిన్ శ్ర‌ద్ధాక‌పూర్ ఇందులో ప్ర‌భాస్‌తో జ‌త క‌డుతుండ‌గా, లెటెస్ట్ స‌మ‌చారం ప్ర‌కారం ఈ చిత్రంలో మ‌రో హీరోయిన్ కూడా న‌టిస్తుంద‌ని అంటున్నారు. అయితే ఈ పాత్ర అతిథి పాత్ర‌గా మాత్ర‌మే క‌న‌ప‌డుతుందట‌. అయితే ఈ హీరోయిన్ ఎవ‌ర‌నేది పెద్ద స‌స్పెన్స్‌గా మారింది. యూనిట్ వ‌ర్గాలు మాత్రం మ‌రో హీరోయిన్ కోసం వెతుకులాట‌లో ప‌డ్డారు.