ఓవర్ సీస్ లో ప్రణీత మీడియా ద్వారా సాహసం శ్వాసగా సాగిపో..!
- IndiaGlitz, [Thursday,November 03 2016]
అక్కినేని నాగ‌చైత‌న్య హీరోగా గౌత‌మ్ వాసుదేవ్ మీన‌న్ దర్శకత్వంలో రూపొందిన తాజా చిత్రం సాహసం శ్వాసగా సాగిపో. ఈ చిత్రాన్ని ద్వార‌కా క్రియేష‌న్స్ బ్యాన‌ర్ పై ర‌వీంద‌ర్ రెడ్డి నిర్మించారు. ఈ చిత్రంలో చైత‌న్య స‌ర‌స‌న మంజిమ మోహ‌న్ న‌టించింది. ఫ‌స్టాఫ్ ఏమాయ‌చేసావే సినిమాలా ఉంటే...సెకండాఫ్ ఘ‌ర్ష‌ణ సినిమాలా ఉంటుంద‌ని చిత్ర నిర్మాత ర‌వీంద‌ర్ రెడ్డి తెలియ‌చేసారు.
ప్రేమ‌మ్ తో సక్సెస్ సాధించిన చైత‌న్య‌కు సాహసం శ్వాసగా సాగిపో సినిమా కెరీర్ లో మ‌రో మెట్టు పైకి ఎక్కించే సినిమా అవుతుంది అనే న‌మ్మ‌కంతో ఉన్నారు. ఈ విభిన్న క‌థా చిత్రాన్ని ఓవర్ సీస్ లో ప్రణీత మీడియా ద్వారా రిలీజ్ చేయ‌నున్నారు. ప్ర‌పంచ వ్యాప్తంగా ఈ చిత్రాన్ని ఈనెల 11న రిలీజ్ చేయ‌డానికి ప్లాన్ చేస్తున్నారు. ఏమాయ‌చేసావే కాంబినేష‌న్ కావ‌డం,సాహసం శ్వాసగా సాగిపో ప్రేమ‌మ్ సక్సెస్ త‌ర్వాత వ‌స్తుండ‌డంతో ఈ చిత్రం పై మంచి క్రేజ్ ఉంది. మ‌రి...ఈ క్రేజ్ కి త‌గ్గ‌ట్టు ఈ చిత్రం బిగ్ హిట్ అయి చైతుని కెరీర్ లో మ‌రో మెట్టు పైకి ఎక్కిస్తుందేమో చూడాలి..!