கடந்த சில மணி நேரங்களுக்கு முன்பாக ’விஜய் மக்கள் இயக்கம்’ என்ற பெயரில் அரசியல் கட்சி ஒன்று தேர்தல் ஆணையத்தில் பதிவு செய்யப்பட்டதாக செய்திகள் வெளியானது. ஆனால் இந்த செய்தியில் உண்மை இல்லை என்றும் விஜய் எந்த அரசியல் கட்சியையும் தொடங்கவில்லை என்றும் அவரது தரப்பில் இருந்து விளக்கமளிக்கப்பட்டது. இதனை அடுத்து இது முழுக்க முழுக்க வதந்தி என்றே கூறப்பட்டது.

இந்த நிலையில் திடீர் திருப்பமாக விஜய்யின் தந்தை எஸ்ஏ சந்திரசேகர் இதுகுறித்து விளக்கம் அளித்துள்ளார். அகில இந்திய தளபதி மக்கள் இயக்கம் என்ற பெயரில் அரசியல் கட்சியை பதிவு செய்ய நான்தான் விண்ணப்பித்தேன் என்றும் இது என்னுடைய முயற்சிதான் என்றும் விஜய்யின் அரசியல் கட்சி அல்ல என்றும் எஸ்ஏ சந்திரசேகர் கூறியுள்ளார்.

விஜய்யின் மக்கள் இயக்கம் பெயரில் எஸ்ஏ சந்திரசேகர் புதிய கட்சி ஆரம்பிக்க உள்ளார் என்ற தகவலால் விஜய் ரசிகர்கள் குழப்பம் அடைந்துள்ளனர்.