சூர்யாவின் '24' மற்றும் S3 ரிலீஸ் தேதிகள்
- IndiaGlitz, [Thursday,March 03 2016]
சூர்யா நடித்த '24' படத்தின் டீசர் நாளை வெளிவரவுள்ளது. இந்த டீசரை வரவேற்க இணையதளங்களில் இப்போதே சூர்யாவின் ரசிகர்கள் தயாராகி வருகின்றனர்.
இந்நிலையில் இந்த படத்தின் இசை வெளியீட்டு தேதி இம்மாத இறுதியில் இருக்கும் என எதிர்பார்க்கப்படும் நிலையில் இந்த படத்தின் ரிலீஸ் தேதி குறித்த தகவல் தற்போது வெளிவந்துள்ளது.
'24' படம் வரும் ஏப்ரல் மாதம் 29 ஆம் தேதி அல்லது மே மாதம் 6ஆம் தேதி ரிலீஸ் செய்ய படக்குழுவினர் திட்டமிட்டுள்ளதாக நம்பத்தகுந்த வட்டாரங்களில் இருந்து செய்தி வெளிவந்துள்ளது. அதேபோல் ஹரி இயக்கத்தில் சூர்யா நடித்து வரும் S3 படம் ஆயுதபூஜைக்கு முந்தைய வெள்ளிக்கிழமையான அக்டோபர் 7ஆம் தேதி ரிலீஸ் ஆகவுள்ளதாகவும் கூறப்படுகிறது.
'24' படத்திற்கு ஏற்கனவே பெரும் எதிர்பார்ப்பு ஏற்பட்டுள்ள நிலையில், 'சிங்கம்', சிங்கம் 2' என இரண்டு வெற்றிப்படங்களுக்கு பின் வெளிவரும் மூன்றாம் பாகமான S3 படமும் தொடர் வெற்றியை பெறும் என எதிர்பார்க்கப்படுகிறது.