தல அஜித் நடித்து வரும் ’வலிமை’ படத்தின் அப்டேட்டை படக்குழுவினர் பல மாதங்களாக வெளியிடாத நிலையில் இந்த அப்டேட்டை பிரதமர் முதல் முதல்வர் வரை அஜித் ரசிகர்கள் கேட்டுக்கொண்டிருந்தனர். இதனால் அதிருப்தி அடைந்த அஜீத் சமீபத்தில் அறிக்கை ஒன்றை வெளியிட்டார் என்பது தெரிந்ததே.

இந்த நிலையில் அஜித்தின் அறிக்கைக்கு பின்னரும் அவரது ரசிகர்கள் பலரிடமும் ’வலிமை’ அப்டேட்டை கேட்பதை நிறுத்தவில்லை. அந்த வகையில் சமீபத்தில் ’வலிமை’ அப்டேட்டை அந்த படத்திற்கு சம்பந்தமே இல்லாத இசையமைப்பாளர் தமன் அவர்களிடம் அஜித் ரசிகர் ஒருவர் கேட்டுள்ளார். அதற்கு அவரும் ஒரு பதிலை தந்து உள்ளார் என்பது குறிப்பிடத்தக்கது.

’வலிமை’ தயாரிப்பாளர் போனிகபூர் தயாரித்து வரும் இன்னொரு படம் ’நேர்கொண்டபார்வை’ திரைப்படத்தின் தெலுங்கு பதிப்பான ’வக்கீல் சாஹேப். இந்த படத்தின் அப்டேட்டை இசையமப்பாளர் தமன் அவர்கள் தனது டுவிட்டரில் பதிவு செய்த நிலையில் அவரிடம் அஜித் ரசிகர் ஒருவர் ’வலிமை’ அப்டேட்டை கேட்டார்.

இதற்கு அவர் சமீபத்தில் ’வலிமை’ படத்தின் இசையமைப்பாளர் யுவன் சங்கர் ராஜா ’வலிமை’ படத்திற்கு கம்போஸ் ஒரு பாடலை கேட்டேன். மிகவும் சூப்பராக இருந்தது. அஜித்துக்கு மிகவும் பொருத்தமாக இந்த பாடல் இருக்கும் என்று கருதினேன் என்று கூறியுள்ளார். ’வலிமை’ படத்தின் அப்டேட்டை அந்த படத்துக்கு சம்பந்தமே இல்லாத ஒருவர் கூறியிருப்பது கோலிவுட் திரையுலகில் பரபரப்பை ஏற்படுத்தியுள்ளது.

I heard my brother darling @thisisysr #kikichified one song for our #thala in #valimai ❤️??it will be surely worth a wait for our #thala for sure ??????⏳ https://t.co/xsks7ZDuqE

— thaman S (@MusicThaman) February 17, 2021