ర‌జ‌నీకాంత్ కోసం బాలు పాట
- IndiaGlitz, [Sunday,June 24 2018]
సూప‌ర్ స్టార్ ర‌జ‌నీకాంత్ కథానాయకుడిగా న‌టించిన ప‌లు సినిమాల కోసం గాన గాంధ‌ర్వుడు ఎస్పీ బాల‌సుబ్ర‌మ‌ణ్యం గాత్రం అందించారు. వాటిలో ప్ర‌ణ‌య‌గీతాల‌తో పాటు ప‌రిచ‌య గీతాలు కూడా ఉన్నాయి. ఈ మ‌ధ్య కాలంలో శివాజీ, రోబో వంటి రజనీ చిత్రాల కోసం కూడా బాలు ప‌రిచ‌య గీతాలు పాడారు.
అయితే రజనీ గ‌త చిత్రాలైన కబాలి, కాలా చిత్రాల్లో బాలు ఒక్క పాట కూడా పాడ‌లేదు. తాజా స‌మాచారం ప్ర‌కారం.. రజనీ త‌దుప‌రి చిత్రం కోసం బాలు ప‌రిచ‌య గీతం పాడునున్నార‌ని తెలిసింది.
పిజ్జా ఫేమ్ కార్తిక్ సుబ్బ‌రాజ్ దర్శకత్వంలో రూపొందుతున్న ఈ సినిమాకి అనిరుధ్ ర‌విచంద్ర‌న్ సంగీత‌మందిస్తున్నారు. ప్ర‌స్తుతం ఈ సినిమా షూటింగ్ శ‌ర‌వేగంగా జ‌రుగుతోంది. విజ‌య్ సేతుప‌తి విల‌న్‌గా న‌టిస్తున్న ఈ సినిమా సంక్రాంతి కానుక‌గా విడుద‌ల కానుంది.