ప్రపంచంలోనే అత్యంత వేగవంతంగా వ్యాక్సిన్‌ను అభివృద్ధి చేసిన దేశం రష్యా. ఈ వ్యాక్సిన్ క్లినికల్ ట్రయల్స్‌ను తన కూతురిపైనే నిర్వహించి సెన్సేషన్ సృష్టించారు. అయితే ఈ వ్యాక్సిన్‌ను రష్యా నలుమూలలకు పంపించేందుకు ఏర్పాట్లు చేస్తున్నారు. ఈ మేరకు ఆ దేశ ఆరోగ్య మంత్రి మిఖాయిల్ మురషుకో మీడియాతో మాట్లాడుతూ.. సెప్టెంబర్ 14వ తేదీ నాటికి రష్యాలోని అన్ని ప్రాంతాలకు కోవిడ్ వ్యాక్సిన్ చేరుకుంటుందని తెలిపారు. ఇప్పటికే పరీక్షల నిమిత్తం తొలిదశ వ్యాక్సిన్‌ను పంపిచినట్టు తెలిపారు. ఈ తొలి బ్యాచ్‌లో రేపటికి గమ్య స్థానాలకు చేరుకుంటాయన్నారు.

మూడో దశ ప్రయోగాల కింద రష్యాలో 40 వేల మందికి వ్యాక్సినేషన్‌ను ఇవ్వనున్నారు. దీనికి సంబంధించిన అనుమతులను ఇప్పటికే రష్యా ఆరోగ్యశాఖ ఇచ్చేసింది. 2020-21 సంవత్సరానికి దాదాపు 100 కోట్ల మందికి వ్యాక్సిన్‌ను అందించాలని రష్యన్ డైరెక్టరేట్ ఇన్వెస్ట్‌మెంట్ ఫండ్(ఆర్‌డీఐఎఫ్) భావిస్తోంది. ఇప్పటికే కోవిడ్ వ్యాక్సిన్‌ను అందుబాటులోకి తీసుకొచ్చిన తొలి దేశంగా రష్యా చరిత్రలో నిలిచిపోనుంది.