న‌ట‌సింహ నంద‌మూరి బాల‌కృష్ణ హీరోగా క్రిష్ ద‌ర్శ‌క‌త్వంలో రూపొందుతోన్న చిత్రం గౌత‌మీపుత్ర శాత‌క‌ర్ణి. ప్ర‌స్తుతం సెకండ్ షెడ్యూల్ కు సినిమా రెడీ అవుతోంది. మొరాకోలో చిత్రీక‌రించిన తొలి షెడ్యూల్‌లో యాక్ష‌న్ పార్ట్‌ ను చిత్రీక‌రించారు. ఇప్పుడు సెకండ్ షెడ్యూల్‌ను కూడా చిలుకూరులో వేసిన భారీ యుద్ధ‌నౌక సెట్‌లో చిత్రీక‌రించ‌బోతున్నారు.

ఈ సినిమాలో మొత్తం మీద అర‌గంట‌పాటు యాక్ష‌న్ పార్ట్ ఉండేలా క్రిష్ ప్లాన్ చేశాడ‌ట‌. అందుకే ముందుగా యాక్ష‌న్ పార్ట్‌ను చిత్రీక‌రించి దాన్ని సీజీ వ‌ర్క్‌ కు పంపించి త‌ర్వాతే మిగిలిన పార్ట్ చిత్రీక‌ర‌ణ‌కు ప్లాన్ చేశాడ‌ట‌. రామ్ లక్ష్మణ్ మాస్టర్స్, హాలీవుడ్ ఫైటర్స్ సహా పలువురు ఈ యాక్షన్ పార్ట్ కోసం బాగానే కష్టపడ్డారని సమాచారం. ఈ చిత్రంలో శ్రియ రాణి వ‌శిష్ట దేవిగా న‌టిస్తుంది. హేమామాలిని రాజమాతగా కనిపిస్తుంది.