ரஜினிகாந்த் உடல்நிலை குறித்த வதந்திக்கு மறுப்பு
- IndiaGlitz, [Thursday,June 16 2016]
சூப்பர் ஸ்டார் ரஜினிகாந்த் உடல்நிலை குறித்து ஒருசில இணையதளங்களிலும் சமூக வலைத்தளங்களிலும் மிக வேகமாக ஒரு வதந்தி பரவி வருகிறது. இந்த வதந்தியால் ரஜினி ரசிகர்கள் அதிர்ச்சி அடைந்துள்ள நிலையில் இந்த வதந்தியை நம்ப வேண்டாம் என்றும் ரஜினி அமெரிக்காவில் நலமாக இருப்பதாகவும் அவருக்கு நெருக்கமானவர்கள் வதந்திக்கு மறுப்பு தெரிவித்துள்ளனர்.
மேலும் இன்னும் ஒருசில நிமிடங்களில் ரஜினிகாந்த் நேரடியாக தனது சமூக இணையதளத்தில் இதுகுறித்து பதிவு செய்வார் என்றும் கூறப்படுகிறது.
இதுகுறித்து தனியார் தொலைக்காட்சி ஒன்றுக்கு விளக்கம் அளித்துள்ள ரஜினியின் குடும்பத்தினர் ரஜினியின் உடல்நிலை குறித்து பரவி வரும் வதந்திகளை ரசிகர்கள் யாரும் நம்ப வேண்டாம் என்று கேட்டுக்கொண்டுள்ளனர்.