నటసింహ నందమూరి బాలకృష్ణ హీరోగా కె.ఎస్‌.రవికుమార్‌ దర్శకత్వంలో సి.కల్యాణ్‌ నిర్మాతగా రూపొందుత్నో చిత్రం ‘రూలర్‌'. ఈ చిత్రంలో బాలకృష్ణ డబుల్‌ రోల్‌ చేస్తున్నాడా? లేక డబుల్‌ షేడ్‌లో కనపడతాడా? అనే దానిపై చిత్ర యూనిట్‌ క్లారిటీ ఇవ్వకపోయినా.. బాలకృష్ణ రెండు డిఫరెంట్‌ లుక్స్‌ను చిత్ర యూనిట్‌ విడుదల చేసింది. సినిమా షూటింగ్‌ తుది దశకు చేరుకుంది. డిసెంబర్‌ 20న సినిమాను విడుదల చేయబోతున్నారు. లేటెస్ట్‌ సమాచారం మేరకు సినిమా ప్రీ రిలీజ్‌ ఈవెంట్‌ను డిసెంబర్‌ 15న నిర్వహించబోతున్నారని వార్తలు వినపడుతున్నాయి. త్వరలోనే ఈవిషయంపై ఓ క్లారిటీ రానుంది.

ఇది వరకు బాలకృష్ణ, కె.ఎస్‌.రవికుమార్‌, సి.కల్యాణ్‌ కాంబినేషన్‌లో జై సింహా సినిమా విడుదలై విజయాన్ని సాధించింది. ఇప్పుడు అదే కాంబినేషన్‌లో రూపొందుతోన్న చిత్రమిది. జగపతిబాబు విలన్‌గా నటిస్తున్నాడు. భూమిక కీలక పాత్రలో నటిస్తుంది. వేదిక, సోనాల్‌ చౌహాన్‌ హీరోయిన్స్‌గా నటిస్తున్నారు. చిరంతన్‌ భట్‌ సంగీతం అందిస్తుండగా, సి.రాంప్రసాద్‌ సినిమాటోగ్రఫీ అందిస్తున్నారు. ఈ సినిమా తర్వాత బాలకృష్ణ తన 106 చిత్రాన్ని బోయపాటి శ్రీను దర్శకత్వంలో చ్యేబోతున్నాడు. మిర్యాల రవీందర్‌ రెడ్డి ఈ చిత్రాన్ని నిర్మిస్తున్నాడు. ఈ సినిమా నవంబర్‌ నుండి సెట్స్‌ పైకి వెళ్లనుంది.