ఇప్పుడు సినిమాలకు ఓవ‌ర్‌సీస్‌లో ఆద‌ర‌ణ బాగానే ఉంది. అయితే స్టార్ హీరోల సినిమాల‌కే అలాంటి ఆద‌ర‌ణ ద‌క్కుతుంది. అది కూడా ఇప్పుడు క‌ష్టంగానే మారింది. అలాగ‌ని అంద‌రి స్టార్ హీరోల సినిమాల‌కు ఓవ‌ర్‌సీస్ మార్కెట్ ఉంటుందా? అంటే క‌చ్చితంగా ఉండ‌దు. అలాంటి హీరోల లిస్టులో బాల‌కృష్ణ కూడా ఉన్నాడు. ఆయ‌న సినిమాల‌కు ఓవ‌ర్‌సీస్‌లో అంత‌గా ఆద‌ర‌ణ ఉండ‌దు. ఇప్పుడు `రూల‌ర్‌` ప‌రిస్థితిలో కూడా మార్పు లేద‌ట‌. గౌత‌మిపుత్ర శాత‌క‌ర్ణి, య‌న్‌.టి.ఆర్ సినిమాల‌కు ఓవ‌ర్‌సీస్ బిజినెస్ జ‌రిగింది. అయితే ఆ రెండు సినిమాలు ఆక‌ట్టుకోక‌పోవ‌డంతో డిస్ట్రిబ్యూట‌ర్స్ భారీగా న‌ష్టాల‌ను చూశారు. ఆ ప్ర‌భావం ఇప్పుడు రూల‌ర్‌పై చూపిస్తుంద‌ట‌. మ‌రి నిర్మాత‌లు ఎలాంటి చ‌ర్య‌లు తీసుకుంటారో చూడాలి.

ఇది వరకు బాలకృష్ణ, కె.ఎస్‌.రవికుమార్‌, సి.కల్యాణ్‌ కాంబినేషన్‌లో జై సింహా సినిమా విడుదలై విజయాన్ని సాధించింది. ఇప్పుడు అదే కాంబినేషన్‌లో రూపొందుతోన్న చిత్రమిది. జగపతిబాబు విలన్‌గా నటిస్తున్నాడు. భూమిక కీలక పాత్రలో నటిస్తుంది. వేదిక, సోనాల్‌ చౌహాన్‌ హీరోయిన్స్‌గా నటిస్తున్నారు. చిరంతన్‌ భట్‌ సంగీతం అందిస్తుండగా, సి.రాంప్రసాద్‌ సినిమాటోగ్రఫీ అందిస్తున్నారు. ఈ సినిమా తర్వాత బాలకృష్ణ తన 106 చిత్రాన్ని బోయపాటి శ్రీను దర్శకత్వంలో చేయ‌బోతున్నాడు. మిర్యాల రవీందర్‌ రెడ్డి ఈ చిత్రాన్ని నిర్మిస్తున్నాడు. ఈ సినిమా నవంబర్‌ నుండి సెట్స్‌ పైకి వెళ్లనుంది.