తొందరేం లేదు అంటున్న రుహానీ శర్మ
- IndiaGlitz, [Sunday,December 23 2018]
సుశాంత్‌తో కలిసి ‘చి.ల.సౌ’ చిత్రంలో నటించిన రుహానీ శర్మ.. ఆ సినిమాతో నటిగా మంచి పేరు సంపాదించుకుంది. స‌క్సెస్‌తో పాటు వరుస అవకాశాలు కూడా వచ్చాయి. అయితే ఏదో సినిమాలు వెంట వెంటనే చేసేయాలని కాకుండా స్క్రిప్ట్, పాత్ర నచ్చితేనే సినిమాలు చేయడానికి రెడీ అవుతుందట రుహానీ శర్మ.
‘‘నాకేం తొందర లేదు. ఎక్కువ సినిమాలు చేసేయాలని కూడా అనుకోవడం లేదు. మంచి సినిమాలు చేయాలనుకుంటున్నాను. అందుకనే అచి తూచి వ్యవహరిస్తున్నాను. ఇప్పుడు తెలుగు నేర్చుకుంటున్నాను’’ అని చెప్పుకొచ్చిన రుహానీ సినిమాలతో పాటు కమ‌ర్షియల్ యాడ్స్‌లో నటిస్తూ బిజీగా ఉంది.