ఉత్త‌రాది భామ‌లు ద‌క్షిణాది సినిమాల్లో త‌మ హ‌వా చాటుతున్నారు. ఇప్పుడు ఉత్త‌రాది హీరోయిన్స్ కేవ‌లం అలా వ‌చ్చి సినిమాలు చేసి పోవ‌డ‌మే కాకుండా ఇక్క‌డి వారికి ద‌గ్గ‌ర‌య్యే ప్ర‌య‌త్నాలు చేస్తున్నారు. అందులో భాగంగా తెలుగు నేర్చుకుంటున్నారు. స్వ‌యంగా తెలుగులో డ‌బ్బింగ్ చెబుతున్నారు కూడా. ముఖ్యంగా తెలుగు సినిమాల్లో న‌టించే ఇత‌ర రాష్ట్రాల హీరోయిన్స్ తెలుగు నేర్చుకోవ‌డంపై ఆస‌క్తిని చూపుతున్నారు. త‌మ‌న్నా, అనుష్క‌, నిత్యామీన‌న్‌, నిధి అగ‌ర్వాల్‌, న‌భానటేశ్‌, పూజా హెగ్డే ఇలా చాలా మంది హీరోయిన్స్ తెలుగు నేర్చుకుని తెలుగు ప్రేక్ష‌కుల‌కు ద‌గ్గ‌ర‌య్యారు.

ఇప్పుడు వీరి లిస్టులోకి మ‌రో హీరోయిన్ చేరబోతుంది. ఆమె ఎవ‌రో కాదు.. రుహానీ శ‌ర్మ‌. తొలి చిత్రం రాహుల్ ర‌వీంద్ర‌న్ ద‌ర్శ‌క‌త్వంలో సుశాంత్‌తో క‌లిసి నటించింది రుహానీ శ‌ర్మ‌. ఆ సినిమా స‌క్సె్ కావ‌డంతో అంద‌రి దృష్టిలో ప‌డింది. రెండో చిత్రం హిట్‌తో మ‌రో స‌క్సెస్‌ను త‌న ఖాతాలో వేసుకుంది. లాక్‌డౌన్ వ‌ల్ల వ‌చ్చిన గ్యాప్‌ను వేస్ట్ చేసుకోకుండా తెలుగు నేర్చుకోవ‌డంపై దృష్టి పెట్టింద‌ట‌. రీసెంట్‌గా ఆన్‌లైన్‌లో తెలుగు నేర్చుకుంటోంద‌ట‌. తెలుగును ఎలా ప‌ల‌కాల‌నే దానిపై ప్ర‌తిరోజూ గంట‌పాటు ఆన్‌లైన్ క్లాసుల‌ను వింటుంద‌ట‌. అంటే త్వ‌ర‌లోనే ఈ అమ్మ‌డు తెలుగులో డ‌బ్బింగ్ చెప్పుకుంటుంద‌న్న‌మాట‌.