చిరు ‘రుద్రవీణ’ పాటలు వైసీపీ నేతలకు మేలుకొలుపు!
- IndiaGlitz, [Thursday,November 07 2019]
టాలీవుడ్‌లో అప్పట్లో.. మాస్ హీరోగా దూసుకుపోతున్న రోజుల్లో చిరంజీవి తన స్టార్ ఇమేజ్‌ను పక్కన పెట్టి ఒక సామాన్య పాత్రలో అసామాన్య చిత్రం ‘రుద్రవీణ’. ఈ సినిమాను ప్రముఖ దర్శకుడు బాలచందర్ తెరకెక్కించారు. చిరంజీవికి నటన పరంగా ఎనలేని కీర్తిని తెచ్చి పెట్టిన చిత్రం ‘రుద్రవీణ’. ఆయన సీని కెరీర్లో ఆణిముత్యాల్లాంటి చిత్రాల్లో ఒకటిగా.. కలికితు రాయిగా నిలిచిందన్న విషయం తెలిసిందే. ఇందులోని పాటలు కూడా జనాలకు ఇప్పుడు గుర్తుండిపోతాయ్. మరీ ముఖ్యంగా ‘చుట్టూ పక్కల చూడరా...’, ‘నమ్మద్దు నమ్మద్దు ఈ రేయినీ...’ ఈ పాటలు ఎప్పుటికీ గుర్తుండిపోతాయ్. తాజాగా జనసేన అధినేత పవన్ కల్యాణ్ ఈ రుద్రవీణ గురించి ప్రస్తావనకు తెచ్చారు.
ఏపీలో భవన కార్మికులు ఆత్మహత్యలు చేసుకుంటున్న నేపథ్యంలో పవన్ ఈ కింది వ్యాఖ్యలు చేశారు. ‘రుద్రవీణ... నాకు స్ఫూర్తినిచ్చే చిత్రం. భవన నిర్మాణ కార్మికులు రోజువారీ కూలి దొరక్క ఆత్మహత్యలు చేసుకుంటున్నారు. ఈ నేపథ్యంలో ప్రతి నెలా జీతభత్యాలు తీసుకొంటున్న వైసీపీ నేతలకు రుద్రవీణలోని పాటలు మేలుకొలుపు’ అని పవన్ చెప్పుకొచ్చారు. జీతాలు, తెచ్చిన అప్పులకి వడ్డీలు కూడా చెల్లించలేని స్థితికి రాష్ట్ర ఆదాయం పడిపోతోంది. అప్పులు రూ.3.50 లక్షల కోట్లకి చేరాయి. సంపాదించిన సొమ్ముతో ఉచిత పథకాలుపెట్టండి... అప్పు తెచ్చిన డబ్బుతో కాదు. ఇప్పుడైనా మేల్కొండి వైఎస్‌జగన్‌’ అని పవన్ వరుస ట్వీట్స్ చేశారు. పవన్ చేసిన ఈ ట్వీట్స్‌కు జనసేన కార్యకర్తలు, పవన్ వీరాభిమానులు పెద్ద ఎత్తున కామెంట్స్ చేస్తున్నారు. మరోవైపు వైసీపీ నేతలు స్పందిస్తూ.. పవన్, జనసేనాని అభిమానులపై కౌంటర్ ఎటాక్ చేస్తున్నారు.