జూన్‌ 17న 'రుద్ర ఐపిఎస్‌' విడుదలకు సిద్ధం
- IndiaGlitz, [Tuesday,June 14 2016]
రాజ్‌కృష్ణ, కీర్తన జంటగా అజిత్‌ క్రియేషన్స్‌ పతాకంపై టి. కృష్ణవేణమ్మ సమర్పణలో బాలకృష్ణ రెడ్డి దర్శకత్వంలో టి. రాజశేఖరరెడ్డి నిర్మించిన చిత్రం 'రుద్ర ఐపిఎస్‌'. ఈ సినిమా అన్ని కార్యక్రమాలు పూర్తి చేసుకుని జూన్‌ 17న విడుదలకు రెడీగా ఉంది.
ఈ సందర్భంగా చిత్ర నిర్మాత టి. రాజశేఖరరెడ్డి మాట్లాడుతూ..'రాజకీయ నేపథ్యంలో సాగే యాక్షన్‌ అండ్‌ ఎంటర్‌టైన్‌మెంట్‌ చిత్రమిది. దర్శకుడు బాలకృష్ణ రెడ్డి..ఈ మూవీని..చెప్పిన విధానం కంటే తీసిన విధానం నన్ను ఎంతగానో ఆకట్టుకుంది. సినిమా చాలా బాగా వచ్చింది. రాజ్‌కృష్ణ, కీర్తనల నటన ఈ చిత్రానికి హైలైట్‌గా ఉంటుంది. ముఖ్యంగా టైటిల్‌ రోల్‌లో రాజ్‌కృష్ణ నటన ప్రేక్షకులతో క్లాప్స్‌ కొట్టిస్తుంది. ఇప్పటికే మా సంగీత దర్శకుడు ఘంటాడి కృష్ణ అందించిన పాటలకు మంచి స్పందన వచ్చింది. స్క్రీన్‌ప్లే హైలైట్‌గా సాగే ఈ చిత్రానికి వంశీకృష్ణ ఫోటోగ్రఫీ మరో ఎస్సెట్‌. ప్రస్తుతం అన్ని కార్యక్రమాలు పూర్తయ్యాయి. జూన్‌ 17న ఈ చిత్రాన్ని ప్రేక్షకుల ముందుకు తీసుకువస్తున్నాము. తప్పకుండా ప్రేక్షకులు ఆదరిస్తారని, ఆశీర్వదిస్తారని కోరుకుంటున్నాము..అని అన్నారు.
రాజ్‌కృష్ణ, కీర్తన, చంద్రమోహన్‌, చిత్రం శ్రీను తదితరులు నటించిన ఈ చిత్రానికి ఆర్ట్‌: విజయకృష్ణ, స్టంట్స్‌: మార్షల్‌ రమణ, ఎడిటర్‌: నందమూరి హరి, సంగీతం: ఘంటాడి కృష్ణ, డిఓపి: వంశీకృష్ణ.పి, సమర్పణ: టి. కృష్ణవేణమ్మ, నిర్మాత: టి. రాజశేఖరరెడ్డి, కథ, స్క్రీన్‌ప్లే, మాటలు, దర్శకత్వం: బాలకృష్ణ రెడ్డి.