இயக்குனர் சிவா இயக்கத்தில் நான்காவது முறையாக தல அஜித் நடிக்கவுள்ள 'விசுவாசம்' படத்தின் ஆரம்பகட்ட பணிகள் விறுவிறுப்புடன் நடந்து வருகிறது. முதல்கட்டமாக இந்த படத்தின் நடிக்கும் நடிகர், நடிகைகள் மற்றும் தொழில்நுட்ப கலைஞர்கள் இறுதி செய்யப்பட்டு வருகின்றனர்.

இந்த நிலையில் 'விசுவாசம்' படத்தின் எடிட்டராக ரூபன் ஒப்பந்தமாகியிருப்பதாகவும் இதுகுறித்த அதிகாரபூர்வ அறிவிப்பு வெகுவிரைவில் படக்குழுவினர் வெளியிட திட்டமிட்டுள்ளதகவும் கூறப்படுகிறது. ஏற்கனவே அஜித் நடிப்பில் சிவா இயக்கிய 'வேதாளம்' மற்றும் 'விவேகம்' ஆகிய படங்களுக்கும் ரூபன், எடிட்டராக பணிபுரிந்துள்ளார் என்பது குறிப்பிடத்தக்கது.

எடிட்டர் ரூபன் போலவே அஜித் படத்தில் மூன்றாவது முறையாக அனிருத் இந்த படத்தில் இணைந்து இசையமைப்பார் என்று எதிர்பார்க்கப்படுகிறது. சத்யஜோதி பிலிம்ஸ் தயாரிக்கும் இந்த படத்தின் படப்பிடிப்பு இம்மாத இறுதியில் தொடங்கவுள்ளது.