పెంచుకున్న కుక్క కోసం పాకులాడుతోంది శాన్ ఫ్రాన్సిస్కోకు చెంది ఓ మహిళ. ఐదు ఏళ్లుగా కుక్క తనతోనే ఉందని.. తను లేకుండా ఉండలేనని చెబుతోంది ఎమిలీ టాలెర్మో. ఆస్ట్రేలియన్ షెఫర్డ్ డాగ్ ను పెంచుకుంటున్న ఎమిలీ ... కుక్కకు జాక్సన్ అని పేరు పెట్టుకుంది. ఐతే వారం రోజుల క్రితం కుక్కతో పాటుగా షాపు కు వెళ్లింది ఎమిలీ. కానీ తిరిగి వచ్చేటప్పుడు జాక్సన్ తప్పిపోయిందని ... తనను కనుక్కునేందుకు హెల్ప్ చేయాలని కోరుతుంది. కుక్కను పట్టుకున్న వారికి రూ.5 లక్షల నజరానా ఇస్తానని ప్రకటించింది.

కుక్క తప్పిపోయినప్పటి నుంచి ఫ్రెండ్స్ తో కలిసి వెతికింది ఎమిలీ. ఇందుకోసం అద్దెకు విమానాన్ని కూడా తీసుకుంది. కానీ ఎలాంటి ఫలితం లేకపోవడంతో సోషల్ మీడియాలో ఈ ఆఫర్ ప్రకటించింది. విమాన ఖర్చులకు 1200 డాలర్లను అదనంగా కేటాయించింది ఎమిలీ. కుక్కను వెతికేందుకు అన్ని రకాలుగా ప్రయత్నిస్తున్నాను... వీలైనంత సాయం చేయాలని కోరుతోంది.

అయితే ఈ వార్త విన్న తర్వాత పెంపుడు కుక్కపై ఎంత ప్రేమ అని కొందరు అంటుంటే... పైసలు ఉన్న వాళ్లకు ఇలాంటి రోగాలే వస్తాయని మరికొందరు విమర్శిస్తున్నారు.