రీ షూట్‌కు ఐదు కోట్లా?
- IndiaGlitz, [Monday,July 09 2018]
విభిన్నమైన కథలతో ఆకట్టుకునే చిత్రాలను తెరకెక్కించే దర్శకుడు క్రిష్. ప్రస్తుతం వీరనారి ఝాన్సీ లక్ష్మిబాయి జీవితాన్ని ఆధారంగా చేసుకుని 'మణికర్ణిక' సినిమాని తెరకెక్కిస్తున్నారు. బాలీవుడ్ క్వీన్ కంగనా రనౌత్ ప్రధాన పాత్రధారిగా నటిస్తున్న ఈ చిత్రంలో జిష్షు సేన్ గుప్త, అంకిత లోఖండే, అతుల్ కులకర్ణి, వైభవ తత్వవాది, సోనూసూద్ ప్రధాన పాత్రలు పోషిస్తున్నారు.
హిందీతో పాటు తెలుగు, తమిళ భాషల్లో రూపొందుతున్న ఈ చిత్రాన్ని జీ స్టూడియోస్ సంస్థ నిర్మిస్తోంది. ఇదిలా ఉంటే.. ముందుగా ఈ మూవీని ఏప్రిల్ 27న విడుదల చేయడానికి నిర్మాతలు అనుకున్నారు. అయితే వి.ఎఫ్.ఎక్స్. పనులు పూర్తి కావడానికి కొంత సమయం పట్టనుండడంతో ఆగష్టు 15న రిలీజ్ చేయాలని నిశ్చయించారు.
కాగా.. ఈ సినిమాలో కొన్ని స‌న్నివేశాల అవుట్‌పుట్‌లో క్రిష్ హ్యాపీగా లేడ‌ట.. అందుకోస‌మ‌ని.. రీ షూట్స్ చేస్తున్నాడ‌ట. అందువ‌ల్ల‌నే సినిమా విడుద‌లై ఆల‌స్య‌మైంద‌ని.. అలాగే ఐదు కోట్ల రూపాయ‌ల బడ్జెట్ కూడా పెరిగింద‌ని స‌మాచారం. ఈ సినిమా త‌ర్వాత క్రిష్ ఎన్టీఆర్ బ‌యోపిక్ 'య‌న్‌.టి.ఆర్‌'ను తెర‌కెక్కించ‌నున్నారు.