శర్వానంద్ సినిమా కోసం రూ.కోటి సెట్
- IndiaGlitz, [Sunday,March 18 2018]
‘గమ్యం’, ‘ప్రస్థానం’, ‘మళ్ళీ మళ్ళీ ఇది రాని రోజు’ వంటి వైవిధ్యమైన చిత్రాలతో ప్రేక్షకులలో గుర్తింపు తెచ్చుకున్న హీరో శర్వానంద్. ఒక వైపు వైవిధ్యభరితమైన సినిమాలను చేస్తూనే ‘రన్ రాజా రన్’, ‘ఎక్స్‌ప్రెస్‌ రాజా’ వంటి కామెడీ మూవీస్‌తో పాటు ‘శతమానం భవతి’, ‘మహానుభావుడు’ వంటి కుటుంబ చిత్రాలను కూడా చేస్తూ మినిమం గ్యారంటీ హీరోగా పేరు తెచ్చుకున్నారు.
ఇదిలా ఉంటే.. ‘స్వామి రా రా’ తో ఇండస్ట్రీ దృష్టిని తన వైపు తిప్పుకున్న దర్శకుడు సుధీర్ వర్మ.. ప్రస్తుతం శర్వాతో సినిమా చేయబోతున్న విషయం తెలిసిందే. రూ.20 కోట్లకి పైగా బడ్జెట్‌తో ఈ సినిమాను సితార ఎంట‌ర్‌టైన్‌మెంట్స్ సంస్థ తెర‌కెక్కించ‌నుంద‌ని సమాచారం. అందులో భాగంగా.. రూ.కోటి వెచ్చించి ఓ భారీ సెట్ ను కూడా వేయనున్నార‌ని తెలిసింది. ఈ సెట్ లోనే చాలా వరకు చిత్రీకరణ జరుపుకునే అవకాశం కూడా ఉందని తెలుస్తోంది. కాగా, ఈ చిత్రంలో శర్వా రెండు భిన్నమైన పాత్రల్లో కనిపించనున్నారని సమాచారం. ఇద్దరు హీరోయిన్లకి అవకాశం ఉన్న ఈ సినిమాలో ఇప్పటికే చాలా మంది నాయికల పేర్లు వినిపించాయి. త్వరలోనే క‌థానాయిక‌ల విష‌యంలో క్లారిటీ వస్తుంది.