ద‌ర్శ‌క ధీరుడు ఎస్‌.ఎస్‌.రాజ‌మౌళి, యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రాంచ‌ర‌ణ్ కాంబినేష‌న్‌లో రూపొందుతోన్న భారీ బ‌డ్జెట్ చిత్రం `RRR`. దాన‌య్య నిర్మిస్తోన్న ఈ సినిమా రెండో షెడ్యూల్ చిత్రీక‌ర‌ణ‌ను జ‌రుపుకుంటోంది. 300 కోట్ల బ‌డ్జెట్‌తో రూపొందుతోన్న ఈ సినిమాపై భారీ అంచ‌నాలు నెల‌కొన్నాయి. ఇప్ప‌టికే హైద‌రాబాద్‌లో రెండు షెడ్యూల్స్ పూర్త‌య్యాయి.

ఇప్పుడు మరో 40 రోజుల షెడ్యూల్‌కు యూనిట్‌ను జ‌క్క‌న్న రెడీ చేస్తున్నాడ‌ని స‌మాచారం. ఈ నెల‌లోనే ఈ షెడ్యూల్ కోల్‌క‌త్తాలో జ‌ర‌గ‌నుంది. ఒక ప‌క్క చిత్రీక‌ర‌ణ జ‌రుగుతూనే ఉంది.. మ‌రో ప‌క్క మ్యూజిక్ డైరెక్ట‌ర్ ఎం.ఎం.కీర‌వాణి సంగీతాన్ని సిద్ధం చేస్తున్నాడ‌ట‌. ఎక్క‌డో తెలుసా.. అల్యూమినియం ఫ్యాక్ట‌రీలో `RRR` మ్యూజిక్ సిట్టింగ్స్ జ‌రుగుతున్నాయి. ఈ సినిమాను ఈ ఏడాదిలో చిత్రీక‌ర‌ణ పూర్తి చేసి వ‌చ్చే ఏడాదికి సినిమాను ప్రేక్ష‌కుల ముందుకు తీసుకు రావాల‌ని రాజ‌మౌళి అండ్ టీం భావిస్తుంద‌ట‌.