టాలీవుడ్‌లో రూపొందుతున్న మ‌రో ప్రెస్టీజియ‌స్ ప్రాజెక్ట్ `RRR`. `బాహుబ‌లి` త‌ర్వాత ద‌ర్శ‌క ధీరుడు ఎస్‌.ఎస్.రాజ‌మౌళి ద‌ర్శ‌క‌త్వంలో రూపొందుతున్న చిత్రం కావ‌డంతో సినిమాపై భారీ అంచ‌నాలు నెల‌కొన్నాయి. ఇత‌ర భాషల‌కు చెందినవారు రాజ‌మౌళి సినిమా ఎదురుచూస్తున్నారు. కాగా టాలీవుడ్‌లో మాత్రం టాప్ స్టార్స్ అయిన యంగ్ టైగ‌ర్ ఎన్టీఆర్‌, మెగాప‌వ‌ర్ స్టార్ రామ్‌చ‌ర‌ణ్ హీరోలుగా న‌టిస్తున్నారు. తెలంగాణ పోరాట వీరుడు కొమురం భీమ్‌గా ఎన్టీఆర్‌.. మ‌న్యం వీరుడు అల్లూరి సీతారామ‌రాజుగా రామ్‌చ‌ర‌ణ్ నటిస్తున్నారు. చారిత్రాత్మ‌క పోరాట‌యోధుల‌కు సంబంధించిన క‌ల్పిత‌గాథ‌గా రూపొందుతోన్న ఈ చిత్రంలో బాలీవుడ్ తార‌లు అజ‌య్ దేవ‌గ‌ణ్‌, అలియా భ‌ట్ న‌టిస్తున్నారు. స‌ముద్ర‌ఖ‌ని కీల‌క పాత్ర‌లో న‌టిస్తున్నారు.

ఇప్ప‌టి వ‌ర‌కు రాజ‌మౌళి చిత్రీక‌రించిన వాటిలో కొన్నింటి ర‌షెష్ ప‌ట్ల రాజ‌మౌళికి హ్యాపీగా అనిపించ‌లేద‌ట‌. దాంతో ఎన్టీఆర్ స‌హా కొంత ఆర్టిస్టుల‌పై స‌న్నివేశాల‌ను రీ షూట్ చేశార‌ట‌. మ‌రికొన్ని రోజుల్లో మ‌రికొన్ని భాగాలను కూడా రాజ‌మౌళి రీ షూట్ చేస్తార‌ట‌. రూ.350 కోట్ల ఖ‌ర్చుతో ఈ సినిమాను డి.వి.వి.దానయ్య నిర్మిస్తున్నారు. వ‌చ్చే ఏడాది జూలై 30న సినిమాను విడుద‌ల చేస్తామ‌ని ప్ర‌క‌టించారు. త్వ‌ర‌లోనే స్టార్ట్ కాబోయే షెడ్యూల్ మాత్రం రామ్‌చ‌ర‌ణ్‌, ఎన్టీఆర్ కాంబినేష‌న్‌లో ఉంటుంద‌ని స‌మాచారం.