RRR అప్డేట్: ఎన్టీఆర్ ఫ్యాన్స్‌కు గుడ్ న్యూస్!
- IndiaGlitz, [Sunday,September 08 2019]
ఓటమి ఎరుగని దర్శకధీరుడు రాజమౌళి తెరకెక్కిస్తున్న భారీ బడ్జెట్ చిత్రం ‘RRR’. ఇప్పటికే భారీ చిత్రాలతో ఇండియన్ రికార్డ్స్‌ను బద్దలు కొట్టిన జక్కన్న మరోసారి తన రికార్డులు తానే బద్దలు కొట్టుకునే దిశగా ‘RRR’ను తెరకెక్కిస్తున్నారు. ఈ సినిమాలో స్టార్ హీరోలు మెగా పవర్ స్టార్ రామ్‌ చరణ్, యంగ్ టైగర్ ఎన్టీఆర్ ఇద్దరూ ప్రధాన పాత్రల్లో నటిస్తున్న సంగతి తెలిసిందే. అయితే ఈ సినిమా గురించి ఇప్పటికే పలు వార్తలు, రూమర్స్ పెద్ద ఎత్తున వచ్చాయి. తాజాగా వచ్చిన అప్డేట్ ఇటు జక్కన్న.. అటు జూనియర్ ఎన్టీఆర్ అభిమానుల్లో సంతోషాన్ని నింపే వార్త కావడం విశేషం.
కొమురం భీం అక్టోబర్ 22, 1901న జన్మించిన సంగతి తెలిసిందే. కాగా.. ‘RRR’లో జూనియర్ ఎన్టీఆర్ ఉద్యమకారుడు కొమురం భీం పాత్రలో నటిస్తున్నారు. అయితే జయంతి సందర్భంగా ఎన్టీఆర్‌కు సంబంధించిన ఫస్ట్ లుక్‌ను విడుదల చేయనున్నట్లు తెలుస్తోంది. ఈ వార్త విన్న నందమూరి, జూనియర్ ఎన్టీఆర్ అభిమానులు ఆనందంలో మునిగితేలుతున్నారు.
అయితే ఈ వార్తల్లో నిజమెంత అనేది రాజమౌళి, ఎన్టీఆర్‌కే తెలియాలి. అయితే ‘RRR’ యూనిట్ నుంచి ఎలాంటి అధికారిక ప్రకటన రాలేదు. కాగా.. ఎన్టీఆర్ సరసన ఎవరు నటిస్తున్నారనే విషయం మాత్రం ఇంతవరకూ తెలియరాలేదు. ఇటీవల తెల్లపిల్ల దొరికిందని.. తార‌క్ తెలుగుతో పాటు హిందీ, త‌మిళ, మ‌ల‌యాళ భాష‌ల్లో డ‌బ్బింగ్ చెబుతున్నట్లు సమాచారం. ఒకేసారి నాలుగు భాష‌ల్లో డ‌బ్బింగ్ చెప్పడమంటే మామూలు విషయం కాదని ఇటీవల వార్తలు వచ్చిన విషయం విదితమే.