“நானும் ரௌடிதான்“ படத்தில் நடித்ததன் மூலம் விக்னேஷ் சிவன் மற்றும் லேடி சூப்பர் ஸ்டார் நயன்தாரா இருவரும் காதல் ஜோடிகளாக மாறினர். கடந்த சில வருடங்களாக உலகம் முழுவதும் வலம் வரும் இந்த நட்சத்திரக் காதல் ஜோடி சமீபத்தில் “ரவுடி பிக்சர்ஸ்“ என்ற படத் தயாரிப்பு நிறுவனத்தை தொடங்கி உள்ளனர். இந்நிறுவனத்தின் மூலம் “நெற்றிக்கண்“, “கூழாங்கல்” என இரண்டு படங்கள் தயாரிக்கப்பட்டு உள்ளது.

இதில் “கூழாங்கல்“ படத்திற்கு சமீபத்தில் நியூசிலாந்து விருது கிடைத்தது என்பதும் குறிப்பிடத்தக்கது. இதேபோல செவன் ஸ்கிரீன் நிறுவனத்துடன் இணைந்து “காத்து வாக்குல ரெண்டு காதல்” திரைப்படத்தையும் ரவுடி பிக்சர்ஸ் நிறுவனம் தயாரித்து வருகிறது. இந்தப் படத்தில் விஜய் சேதுபதி, நயன்தாரா, சமந்தா போன்ற முக்கியக் கதாபாத்திரங்களும் நடித்து வருகின்றனர்.

இந்நிலையில் ரவுடி பிக்சர்ஸின் அடுத்த பட தயாரிப்பு குறித்த அறிவிப்பை அந்நிறுவனம் தற்போது வெளியிட்டு உள்ளது. Walking/Talking STRAWBERRY ICECREAM எனப் பெயரிடப்பட்டு உள்ள இந்தப் படத்தை அறிமுக இயக்குநர் விநாயக் இயக்க உள்ளதாக தகவல் வெளியாகி இருக்கிறது. “கூழாங்கல்“ “நெற்றிக்கண்“ என இரண்டும் ரிலீசுக்கு காத்திருக்கும் நிலையில் அடுத்து “காத்து வாக்குல ரெண்டு காதல்“, தற்போது புதுப்படம் என ரவுடி பிக்சர்ஸ் அடுத்தடுத்து களைக்கட்டி வருகிறது.

We are happy to be introducing our upcoming project called #WalkingTalkingStrawberryIcecream. If the name sounds quirky to you, wait till you watch the film!!

A @vinayakv_ directorial pic.twitter.com/jxh4SsN6xo

— Rowdy Pictures Pvt Ltd (@Rowdy_Pictures) February 16, 2021