‘రౌడీ బేబి..’ రికార్డ్..!
- IndiaGlitz, [Tuesday,November 17 2020]
‘రౌడీ బేబి ...’ అంటూ సాంగ్‌తో ధనుశ్, సాయిప‌ల్ల‌వి వెండితెర‌పై చేసిన సంద‌డిని అంత త్వ‌ర‌గా మ‌ర‌చిపోలేం. ‘మారి2’ సినిమా యావరేజ్ టాక్ తెచ్చుకున్నప్పటికీ ఆ సినిమాలో ‘రౌడీ బేబి ...’ సాంగ్ ఎంత పాపుల‌ర్ అయ్యిందో ప్ర‌త్యేకంగా చెప్ప‌న‌వ‌స‌రం లేదు. ధనుశ్ హీరోగా బాలాజీ మోహన్ దర్శకత్వంలో ‘మారి’ సినిమాకు సీక్వెల్‌గా తెర‌కెక్కిన చిత్ర‌మిది. ఈ సినిమాలో ఈ సాంగ్ రికార్డులు క్రియేట్ చేస్తూ వ‌స్తుంది. భాష‌తో సంబంధం లేకుండా ప్యాన్ ఇండియా ప్రేక్ష‌కులు ఈ పాట‌ను విని ఎంజాయ్ చేయ‌డంతో పాట ఏకంగా వ‌న్ బిలియ‌న్ అంటే అక్ష‌రాలా వంద కోట్ల వ్యూస్ మార్క్‌ను రీచ్ అయ్యింది. ఈ రికార్డ్ సాధించిన తొలి ద‌క్షిణాది పాట ఇదే కావ‌డం వివేషం.
‘రౌడీ బేబి ...’ సాంగ్ రికార్డ్ సాధించ‌డంతో ఆ సంతోషాన్ని ధనుశ్ సోష‌ల్ మీడియా ద్వారా అంద‌రికీ తెలియ‌జేశాడు. ‘‘నా కెరీర్‌లో అనుకోకుండా ఓ మెమొర‌బుల్ సంఘ‌ట‌న చోటు చేసుకుంది. నా ‘కొల‌వెరి ఢీ.. ’ సాంగ్ విడుద‌లైన 9 సంవ‌త్స‌రాల త‌ర్వాత అదే రోజున ‘రౌడీ బేబి ...’ సాంగ్ వంద‌కోట్ల వ్యూస్ మార్కును సాధించ‌డం ఆనందంగా ఉంది. ద‌క్షిణాదిన ఈ రికార్డ్ సాధించిన తొలి పాట ఇదే కావ‌డం గ‌ర్వంగా ఉంది’’ అని పేర్కొన్నారు ధనుశ్.