இசைஞானி இளையராஜாவின் பிறந்த நாள் வரும் ஜூன் 2ஆம் தேதி வருகிறது. அவரது பிறந்த நாளை இந்த ஆண்டு வித்தியாசமாக கொண்டாடும் வகையில் சிம்பு நடித்து வரும் 'AAA' படத்தின் ஒரு பாடலை வெளியிட படக்குழுவினர் திட்டமிட்டுள்ளனர்.

சிம்பு நடித்து வரும் 'அன்பானவன் அசராதவன் அடங்காதவன்' படத்தின் முதல் பாகத்தில் இளையராஜா ஒரு பாடலை பாடியுள்ளார். 'ரோட்டுல வண்டி வருது' என்று தொடங்கும் ஆன்மீக பாடலான இந்த பாடலை வரும் ஜூன் 2ஆம் தேதி இளையராஜாவின் பிறந்த நாளை கெளரவப்படுத்தும் வகையில் வெளியிட படக்குழுவினர் முடிவு செய்துள்ளனர். அஸ்வின் தாத்தா கேரக்டருக்காக உருவாக்கப்பட்ட இந்த பாடல் அனைத்து தரப்பினர்களையும் கவரும் என்று எதிர்பார்க்கப்படுகிறது.

இந்த பாடலை இளையராஜா பாடியதற்காக சிம்பு மற்றும் இயக்குனர் ஆதிக் ரவிச்சந்திரன் ஆகியோர் தங்கள் சமூக வலைத்தளங்களில் அவருக்கு நன்றியை தெரிவித்துள்ளனர். மேலும் வரும் ரம்ஜான் திருநாளில் வெளியாகவுள்ள இந்த படத்தின் மற்ற பாடல்கள் மிக விரைவில் வெளியாகும் என்று எதிர்பார்க்கப்படுகிறது.

சிம்பு, ஸ்ரேயா, தமன்னா, சனாகான் உள்ளிட்ட பலர் நடித்துள்ள இந்த படத்தை மைக்கேல் ராயப்பன் பெரும் பொருட்செலவில் தயாரித்து வருகிறார். ஆதிக் ரவிச்சந்திரன் இயக்கத்தில் யுவன்ஷங்கர் ராஜா இசையில் உருவாகி வரும் இந்த படம் இரண்டு பாகங்களாக வெளிவரவுள்ளது என்பது குறிப்பிடத்தக்கது.

#SpiritualGanaa #RottulaVandiOodudhu single on #June2nd marking the birthday of #Maestro #Ilayaraja #AAA1D @Adhikravi @thisisysr #Eid2017

— STR (@iam_str) May 29, 2017