హీరో శ్రీకాంత్ త‌న‌యుడు రోష‌న్ నిర్మ‌లా కాన్వెంట్ సినిమాలో న‌టిస్తున్న విష‌యం తెలిసిందే. ఈ చిత్రాన్ని అన్న‌పూర్ణ స్డూడియోస్ బ్యాన‌ర్ పై నాగార్జున నిర్మిస్తున్నారు. నాగ‌కోటేశ్వ‌ర‌రావు ఈ చిత్రాన్ని తెర‌కెక్కిస్తున్నారు.

ఈ చిత్రాన్ని నిర్మిస్తుండ‌డంతో పాటు నాగార్జున ఇందులో.. ఓ ముఖ్య‌పాత్ర కూడా పోషిస్తున్నారు. నాగ్ పాత్ర మిన‌హా షూటింగ్ పూర్త‌య్యింది. త్వ‌ర‌లో ఈ సినిమా రిలీజ్ కి రెడీ అవుతుంది. అయితే...నిర్మలా కాన్వెంట్ త‌ర్వాత శ్రీకాంత్ త‌న‌యుడు రోష‌న్ సినిమాలు చేయ‌డ‌ట‌. ఈ విష‌యాన్నిస్వ‌యంగా హీరో శ్రీకాంత్ తెలియ‌చేసారు. కార‌ణం ఏమిట‌ని అడిగితే...నిర్మ‌లా కాన్వెంట్ సినిమా టీనేజ్ కుర్రాడు క‌థ కాబ‌ట్టి ఈ సినిమాలో రోష‌న్ న‌టించాడు. చ‌దువు నాశ‌నం చేసుకుని ఈ వ‌య‌సులో హీరోగా దింప‌డం క‌రెక్ట్ కాదు. అందుచేత రోష‌న్ డిగ్రీ పూర్తి చేసాకే మ‌ళ్లీ సినిమాల్లో న‌టిస్తాడు అన్నారు. అలాగే రోష‌న్ కూడా 17 ఏళ్ల‌కే హీరోయిన్స్ తో పాట‌లు పాడుతూ...విల‌న్స్ ని కొడితే బాగోదు. అందుచేత ఫారిన్ వెళ్లి మాస్ క‌మ్యూనికేష‌న్ లోను, ఏక్టింగ్ లోను డిగ్రీ చేస్తాను. ఆత‌ర్వాతే సినిమాలు అంటున్నాడు. అదీ సంగ‌తి.