விஜய் ஆண்டனி நடித்த ‘ரோமியோ’ என்ற படத்தின் படப்பிடிப்பு முடிவடைந்து ரிலீசுக்கு தயாராக இருக்கும் நிலையில் இந்த படத்தின் டிரைலர் வெளியாகி இணையத்தில் வைரல் ஆகி வருகிறது.

விஜய் ஆண்டனி ஜோடியாக மிருணாளினி ரவி நடித்திருக்கும் இந்த படத்தில் யோகி பாபு, விடிவி கணேஷ், தலைவாசல் விஜய் உள்ளிட்ட பலர் நடித்துள்ளனர். விநாயக் வைத்தியநாதன் இயக்கத்தில் பரத் தனசேகர் இசையில் உருவாகியுள்ள இந்த படம் ஒரு ரொமான்ஸ் காமெடி படம் என்பது இரண்டு நிமிடங்களுக்கு மேல் இருக்கும் ட்ரைலரில் இருந்து தெரிய வருகிறது.

பெண் பார்க்க விஜய் ஆண்டனி செல்வதிலிருந்து தொடங்கும் கதை, அதன் பின்னர் திருமணத்திற்கு பின் ஏற்படும் பிரச்சனைகள், சரக்கு வாங்கிட்டு வா என்று கணவனிடமே கேட்கும் மனைவி, என் பொண்டாட்டியை கரெக்ட் பண்ண எனக்கு ஒரு சூப்பர் ஐடியா கொடு மாமா என்று விஜய் ஆண்டனி விடிவி கணேஷிடம் ஆலோசனை கேட்பது என படம் முழுக்க முழுக்க காமெடியாக செல்லும் என்று எதிர்பார்க்கப்படுகிறது.

தன்னை விரும்பாத மனைவியை கணவன் கரெக்ட் செய்வது எப்படி என்பதை மிகவும் காமெடியாக இந்த படம் கூறி இருக்கும் என்று எதிர்பார்க்கப்படுகிறது. இந்த படம் வரும் ரம்ஜான் தினத்தில் ரிலீஸ் ஆகவுள்ள நிலையில் இந்த படம் விஜய் ஆண்டனிக்கு ஒரு வெற்றி படமாக இருக்கும் என்று கூறப்படுகிறது.