స్టైలిష్‌స్టార్ అల్లు అర్జున్ ప్యాన్ ఇండియా మూవీ ‘పుష్ప’. ప్ర‌స్తుతం రాజ‌మండ్రి స‌మీపంలో మారేడు మిల్లిలో షూటింగ్ జ‌రుగుతోంది. ఈ పార్ట్‌లో ఎక్కువ‌గా యాక్షన్ ఎపిసోడ్స్‌ను చిత్రీక‌రిస్తున్నార‌ట. సినీ వ‌ర్గాల స‌మాచారం మేర‌కు ఈ షెడ్యూల్ ఫిబ్ర‌వ‌రి 6 వ‌ర‌కు మారేడు మిల్లిలో జ‌రుగుతుంది. త‌ర్వాత వారం రోజులు గ్యాప్ తీసుకుంటార‌ట‌. త‌ర్వాత ఫిబ్ర‌వ‌రి 13 నుంచి త‌దుప‌రి షెడ్యూల్‌ను ప్లాన్ చేస్తున్నార‌ట‌. అది కూడా ఎక్క‌డో తెలుసా.. త‌మిళ‌నాడులోని తెన్‌కాశి, కేర‌ళ‌లో పొల్లాచ్చిలో. ఈ ప్రాంతాల్లో రొమాంటిక్ సీన్స్ చిత్రీక‌ర‌ణ‌ను ప్లాన్ చేస్తున్నార‌ట‌. ఈ షెడ్యూల్‌లో ర‌ష్మిక మంద‌న్న జాయిన్ అవుతుంద‌ని స‌మాచారం.

శేషాచ‌ల అడ‌వుల్లో జ‌రిగే ఎర్ర చంద‌నం స్మ‌గ్లింగ్ నేప‌థ్యంలో పుష్ప సినిమాను తెర‌కెక్కిస్తున్నారు. ఇందులో పుష్ప‌రాజ్ అనే లారీ డ్రైవ‌ర్ పాత్ర‌లో అల్లు అర్జున్ న‌టిస్తున్నాడు. మైత్రీ మూవీ మేక‌ర్స్‌, ముత్తం శెట్టి మీడియా ఈ చిత్రాన్ని నిర్మిస్తున్నారు. ఆగ‌స్ట్ 13న ప్యాన్ ఇండియా లెవ‌ల్లోసినిమాను విడుద‌ల చేయ‌డానికి స‌న్నాహాలు జ‌రుగుతున్నాయి.ఆర్య, ఆర్య 2 చిత్రాల తర్వాత అల్లు అర్జున్, సుకుమార్ కాంబినేషన్‌లో తెరకెక్కుతోన్న మూడో చిత్రమే కాదు..వీరి కాంబినేషన్‌లో రూపొందుతోన్న తొలి ప్యాన్ ఇండియా మూవీ.