రోజులు మారాయి టీజ‌ర్ రిలీజ్..
- IndiaGlitz, [Monday,June 13 2016]
దిల్ రాజు సమర్పణ‌లో మారుతి క‌థ, స్క్రీన్‌ప్లే అందించ‌గా జి.శ్రీనివాస‌రావు నిర్మించిన చిత్రం రోజులు మారాయి. ఈ చిత్రంలో చేత‌న్‌ మద్దినేని, పార్వతీశమ్, కృతిక, తేజ‌స్వి ముఖ్యపాత్రలు పోషించారు. ఈ చిత్రం ద్వారా ముర‌ళీ కృష్ణ ముడిదాని ద‌ర్శ‌కుడిగా ప‌రిచ‌యం అవుతున్నారు. యూత్ ఫుల్ ఎంట‌ర్ టైన‌ర్ గా రూపొందిన రోజులు మారాయి టీజ‌ర్ రిలీజ్ చేసారు.
ఇందులో అమ్మాయిలు చంద‌మామ క‌థ‌లు ఒక‌టే...అయ్యీ బాగుంటాయి..ఈళ్లు బాగుంటారు. ఆటినీ న‌మ్మ‌లేం...వీళ్ల‌ని అస్స‌లు న‌మ్మ‌లేం..అంటూ కేరింత ఫేం పార్వతీశమ్ డైలాగ్... రెండూ సేమ్ చైన్స్ ఎందుకు తీసుకున్నారు అని హీరోయిన్ తో అంటే...ఒక‌టి నేను ప్రేమించే వాడికి... ఇంకోటి న‌న్ను ప్రేమించేవాడికి..అనే డైలాగ్స్ చూస్తుంటే ఈ చిత్రం యూత్ కి క‌నెక్ట్ కావ‌డం ఖాయం అనిపిస్తుంది. ప్రేమ‌కు అర్ధం మారేనే...మ‌నుషుల తీరు మారేనే...అని టీజ‌ర్ లో చెప్ప‌డంతో రోజులు మారాయి చిత్రం పై అంచ‌నాలు పెరుగుతున్నాయి.
జె.బి. సంగీతం అందించిన రోజులు మారాయి ఆడియోను ఈనెల 18న రిలీజ్ చేయ‌నున్నారు. టీజ‌ర్ చూస్తుంటే...దిల్ రాజు - మారుతి సంయుక్తంగా నిర్మించిన రోజులు మారాయి యూత్ ను ఆక‌ట్టుకుని విజ‌యాన్ని సొంతం చేసుకుంటుంది అనిపిస్తుంది.మ‌రి ఎలాంటి విజ‌యాన్ని సాధిస్తుందో చూడాలి.