జూనీయర్ ఎన్టీఆర్ ని తొక్కేస్తున్నారు - రోజా
- IndiaGlitz, [Tuesday,March 29 2016]
జూనీయర్ ఎన్టీఆర్ ని సినీ ఇండ‌స్ట్రీలో ఎద‌గ‌నీయ‌కుండా చంద్ర‌బాబు నాయుడు ఇన‌ప‌పాదంతో తొక్కేస్తున్నార‌ని వై.ఎస్.ఆర్.సి.పీ ఎమ్మెల్యే రోజా ఆరోపించారు. అసెంబ్లీకి అనుమ‌తించ‌క‌పోవ‌డం గురించి హైకోర్టు ఇచ్చిన తీర్పును స‌వాలు చేస్తూ రోజా ఈరోజు సుప్రీం కోర్టును ఆశ్ర‌యించారు.
ఈ సంద‌ర్భంగా .....
ఢిల్లీలో సినీ న‌టి & ఎమ్మెల్యే రోజా మీడియాతో మాట్లాడుతూ...ఎన్టీఆర్ పేరు అంటే చంద్ర‌బాబుకు ఏమాత్రం ఇష్టం లేదు. అందుక‌నే జూనీయర్ ఎన్టీఆర్ ని 2009 ఎన్నిక‌ల స‌మ‌యంలో వాడుకుని ఇప్పుడు వ‌దిలేసాడు. క‌నీసం ఎన్టీఆర్ ని కార్య‌క‌ర్త‌గా కూడా గుర్తించ‌డం లేదు. ఎన్టీఆర్ సినిమాలు విడుద‌ల కానివ్వ‌కుండా...ఆడ‌నీయ‌కుండా తొక్కేస్తున్నారు చంద్ర‌బాబు. జూనీయర్ ఎన్టీఆర్ ఛ‌రిష్మా ముందు త‌న ప‌ప్పు సుద్ద కొడుకు లోకేష్ ఎద‌గ‌లేడ‌నే భ‌యంతో ఎన్టీఆర్ ని తొక్కేస్తున్నార‌ని రోజా విమ‌ర్శించారు. మ‌రి...రోజా విమ‌ర్శ‌ల పై చంద్ర‌బాబు కానీ...ఎన్టీఆర్ కానీ స్పందిస్తారేమో చూడాలి.