சூர்யாவின் 'S3' படத்தில் தனுஷின் 'மாரி'
- IndiaGlitz, [Saturday,January 23 2016]
ஹரி இயக்கத்தில் சூர்யா நடித்து வரும் 'S3'படத்தின் படப்பிடிப்பு கடந்த சில நாட்களுக்கு முன்னர் தொடங்கப்பட்டு விறுவிறுப்பாக நடைபெற்று வருகிறது. இந்த படத்தின் படப்பிடிப்பு சென்னை, விசாகப்பட்டினம், பொள்ளாச்சி மற்றும் வெளிநாடுகளிலும் நடத்த திட்டமிடப்பட்டுள்ளது.
இந்நிலையில் இந்த படத்தில் காமெடி கேரக்டரில் நடிக்கும் ரோபோசங்கர், சமீபத்தில் வெளியான 'மாரி' படத்தில் தனுஷின் கெட்டப்பில் தோன்றுகிறார். தனுஷ் அந்த படத்தில் வைத்திருந்த தாடி, மீசை, ஹேர்ஸ்டைல் மற்றும் கண்ணாடி ஆகிய கெட்டப்பில் 'S3'படத்தில் நடித்து வருவதாக கூறப்படுகிறது. இதுகுறித்த ஸ்டில் ஒன்று தற்போது சமூக இணையதளங்களில் வெளியாகியுள்ளது.
சூர்யா, அனுஷ்கா, ஸ்ருதிஹாசன், ராதிகா, ரோபோசங்கர் உள்பட பலர் நடித்து வரும் இந்த படத்திற்கு ஹாரீஸ் ஜெயராஜ் இசையமைக்கின்றார். ஸ்டுடியோ க்ரீன் நிறுவனம் தயாரிக்கும் இந்த படத்திற்கு ப்ரியன் ஒளிப்பதிவாளராகவும், வி.டி.விஜயன் படத்தொகுப்பாளராகவும் பணிபுரிகின்றனர்.