బాహుబలి కన్నాఎక్కువ బడ్జెట్ తో రోబో 2
- IndiaGlitz, [Tuesday,December 01 2015]
ద‌ర్శ‌క‌ధీర రాజ‌మౌళి తెర‌కెక్కించిన బాహుబలి ఎంత‌టి సంచ‌ల‌నం స్రుష్టించిందో తెలిసిందే. బాహుబలి ని మించేలా బాహుబలి 2 ని ప‌క్కా ప్లాన్ తో రూపొందిస్తున్నాడు జ‌క్క‌న్న. డిసెంబ‌ర్ 14 నుంచి రామోజీ ఫిలింసిటీలో బాహుబలి 2 షూటింగ్ ప్రారంభించ‌నున్నారు. ఇదిలా ఉంటే...గ్రేట్ డైరెక్ట‌ర్ శంక‌ర్ సూప‌ర్ స్టార్ ర‌జ‌నీకాంత్ తో రోబో 2 మూవీ తెర‌కెక్కించ‌నున్నాడు. ఈ చిత్రాన్ని జ‌న‌వ‌రిలో రామోజీ ఫిలిం సిటీలో ప్రారంభించేందుకు ప్లాన్ చేస్తున్నారు.
అయితే రోబో 2 మూవీ బడ్జెట్ బాహుబలి 1 & 2 బడ్జెట్ ల క‌న్నా ఎక్కువ అని స‌మాచారం. రోబో 2 ను దాదాపు 250 కోట్లు పైగా బడ్జెట్ తో రూపొందిస్తున్నార‌ట. ఇండియాలోనే అత్య‌ధిక బడ్జెట్ తో రూపొందే ఈ మూవీకి ఎ.ఆర్.రెహ‌మాన్ సంగీతాన్ని అందించ‌నున్నారు. మ‌రి..బడ్జెట్ విష‌యంలో స‌రికొత్త రికార్డు స్రుష్టించిన రోబో 2 రిలీజ్ త‌ర్వాత ఎలాంటి సెన్సేష‌న్ క్రియేట్ చేస్తుందో చూడాలి.