கமல் கட்சிக்கு ஆதரவு கொடுத்த பிரபல தயாரிப்பாளர்-நடிகர்
- IndiaGlitz, [Wednesday,January 24 2018]
உலக நாயகன் கமல்ஹாசன் வரும் பிப்ரவரி 21ஆம் தேதி அரசியல் கட்சியை தொடங்கவுள்ள நிலையில் அவருடைய கட்சியில் சேரவும், இராமநாதபுரத்தில் நடைபெறும் முதல் மாநாட்டில் பங்குபெறவும் பல கோலிவுட் திரையுலகினர் முன்வந்துள்ளதாக கூறப்படுகிறது.
இந்த நிலையில் இயக்குனர் பாலாவின் 'தாரை தப்பட்டை' படத்தின் மூலம் நடிகராக அறிமுகமானவரும் பிரபல தயாரிப்பாளருமான ஆர்.கே.சுரேஷ், கமல் கட்சிக்கு ஆதரவு கொடுத்துள்ளார். அவர் தனது சமூக வலைத்தளத்தில் கமல்ஹாசனின் அரசியல் கட்சிக்கு என்றும் ஆதரவு தருவேன் என்று கூறியுள்ளார்.
மேலும் ஆர்.கே.சுரேஷ் அவர்களும் இராமநாதபுரத்தை சேர்ந்தவர் என்பது குறிப்பிடத்தக்கது. பிப்ரவரி 21ஆம் தேதி பொதுக்கூட்டம் நடைபெறும்போது ஒரு மினி கோலிவுட்டே பங்குபெற வாய்ப்பு இருப்பதாக கூறப்படுகிறது.